Türkmenistanyň we KHDR-niň futbol duşuşygynyň öňýany metbugat ýygnagy geçiriler

Dünýä çempionaty – 2022-niň saýlama tapgyrynyň çäginde 14-nji noýabrda
paýtagtymyzda duşuşýan Türkmenistanyň hem-de KNDR-iň (Koreýa Halk
Demokratik Respublikasynyň) milli ýygyndylarynyň arasyndaky duşuşygyň
öňüsyrasy baş tälimçileriň gatnaşmagynda metbugat ýygnagy geçiriler.
Türkmenistanyň Futbol Federasiýasynyň resmi saýtynyň habar bermegine
görä, metbugat ýygnagy 13-nji noýabrda paýtagtymyzyň “Sport”
myhmanhanasynyň konferensler zalynda geçiriler. Metbugat ýygnagy 12:00-da
başlanar.
Ýeri gelende bellesek, dünýä çempionaty – 2022-niň saýlama oýnunyň bäşinji
tapgyrynyň çägindäki duşuşyk 14-nji noýabrda geçirilip, onda Türkmenistanyň
futbol boýunça milli ýygyndy topary   KHDR-iň milli ýygyndysyny kabul eder.
16:00-da başlanjak bu duşuşyk paýtagtymyzdaky “Köpetdag” stadionynda
geçiriler.