«Nesil» hokkeý boýunça Türkmenistanyň Prezidentiniň kubogyna eýe boldy

Halkara Bitaraplyk güni mynasybetli geçirilen hokkeý boýunça Türkmenistanyň Prezidentiniň kubogyny almak ugrynda ýaryşyň final oýny geçirildi. Bu abraýly hokkeý ýaryşynyň toparçadaky bäsleşiginde öňe saýlanan «Şir» we «Nesil» toparlary özara güýç synanyşdylar. Bu barada www.msy.gov.tm neşiri habar berýär.

Diýseň çekeleşikli dowam edýän hokkeý bäsleşiginde hasaby ilkinji bolup  «Şir» toparynyň hokkeýçileri açdylar.

«Nesil» hokkeý toparynyň hokkeýçileri bada-bat hasaby deňlediler. Şondan soňra olar bassyr 4 gezek tapawutlanyp, hasaby 5:1-e ýetirdiler.

Arakesmeden soňra, ýagny 2-nji döwrüň başynda «Nesil» topary 5-nji gezek tapawutlandy. Şondan soňra ýene 5 gezek tapawutlanan «Nesil» 10:1 hasabynda öňde barýar.

Hasap 10:1 bolansoň, «Şir» toparynyň hokkeýçileri biraz tijenip şu oýunda 2-nji gezek tapawutlandylar-10:2. Şondan soňra ýene 3 şaýbany tora salan «Şir» topary arany ýygjamlatdy-10:5. Şondan soňra toparlaryň hiç birine hasaby üýtgetmek başartmady. Final oýny 10:5 hasabynda «Nesil» toparynyň peýdasyna tamamlandy.