Ferstappen Şpilbergde Awstriýanyň Gran-Prisiniň saýlama tapgyrynda ýeňiji boldy

“Red Bulluň” niderlandiýaly sürüjisi Maks Ferstappen “Formula-1-iň”
dokuzynjy tapgyrynyň –  Awstriýanyň Gran-prisiniň saýlama tapgyrynda ýeňiji
boldy. Bu tapgyr Awstriýanyň Şpilberg şäherindäki “Red Bull Ring”
awtodromynda geçýär.
Ferstappen özüniň iň gowy aýlawyny 1 minut 03,720 sekuntda geçdi. Ikinji
orny “Maklareniň” britaniýaly sürüjisi Lando Norris (+0,048) eýeledi. Üçünji “Red
Bulldan” meksikaly Serhio Peres (+0,270) boldy.
Ferstappen yzygider üçünji saýlama tapgyrynda ýeňiji boldy.
“Hassdan” russiýaly ýaryşçy Nikita Mazepin soňky, 20-nji netijäni görkezdi.
Onuň topar boýunça ýoldaşy, “Formula-1-iň” ýedi gezek çempiony Maýkl
Şumaheriň ogly nemes Mik Şumaher 19-njy boldy.
Sekiz tapgyrdan soň umumy hasapda birinji orny Ferstappen (156 utuk), ikinji
orny “Mersedesden” britaniýaly Lýuis Hemilton (138) eýeleýär. Mazepin utuk
gazanmady.