Milli ykdysadyýetimiziň himiýa pudagyndaky ösüşler

Milli ykdysadyýetimiziň himiýa pudagyny hemmetaraplaýyn ösdürmek
Garaşsyzlyk ýyllarynda strategik ugurlaryň biri hökmünde kesgitlenildi. Bu
ugurda döwlet derejesinde ägirt uly işler amala aşyrylyp, pudagyň ylmy
esaslary has-da ösdürildi.
Garaşsyzlyk ýyllarynda himiýa pudagynda ylmyň, bilimiň we önümçiligiň ýakyn
özara baglanyşygynyň üpjün edilmegi netijesinde kuwwatly önümçilikler ýola
goýuldy. Bu ugurda soňky ýyllarda ulanmaga berlen «Tejenkarbamid»,
«Marykarbamid», «Garabogazkarbamid» zawodlaryny, Garlyk dag-magdan
toplumyny, Gyýanlydaky polimer zawodyny hem-de Ahaldaky tebigy gazdan
benzin öndürýän dünýädäki ilkinji zawody görkezmek bolar.
Şu jähetden, soňky 10 ýylyň içinde pudagy ösdürmäge goýlan maýa
goýumlaryň möçberi 8 milliard amerikan dollaryndan gowrak boldy.

Döwletmyrat Tejenow,
Türkmen döwlet ykdysadyýet we dolandyryş
institutynyň Maliýe fakultetiniň 2-nji ýyl talyby.