Geçip gitdim bireýýäm
- Men bireýýäm geçip gitdim deňinden,
- Meni güýmäp, wagty utýan pişeleň.
- Zähmet çekýän. Ýadamaryn zähmetden.
- Ynsan –ynsan bolýar diňe iş bilen.
- Ömürlerem ak-garadan işilen,
- Alaja-da çalym edýär käýarym.
- Ömrüm –peşgeşidir Beýik Taňrynyň,
- Menem indi ol peşgeşi aýaryn.
-
- Egläp bilmez özgäň guran tilsimi,
- Manysy ýok ýolda duşjak duzagyň.
- Meň olara güýmenere wagtym ýok,
- Gitjek, ak ertire elim uzadyp…
- Gün geçdikçe ýollar barýar uzalyp.
- Geçip gitdim biweçligiň deňinden.
- Wagty utýan gerekmejek pişeler,
- Hany, indi sowlaweriň öňümden…
RU
