Sankt-Peterburgda Çempionlar ligasynyň finalyna 3,5 müň daşary ýurtly gatnaşar

2022-nji ýylyň 28-nji maýynda Sankt-Peterburgda geçiriljek Çempionlar
ligasynyň finalyna, takmynan, 3,5 müň daşary ýurtly janköýerler gatnaşar. Bu
barada UEFA-nyň klub ýaryşlaryny geçirmek boýunça bölüminiň müdiri Tiziano
Gaýere salgylanyp, spbdnevnik.ru habar berdi.
"Biz bu ýere gelýärkäk Sankt-Peterburgdaky stadionyň final oýunlaryny
geçirmek üçin örän gowy gabat gelýändigine we düýpli täzelemäniň ýa-da
üýtgeşmeleriň zerur däldigine ynanýardyk, sebäbi ozal belli bir derejä eýýäm
ýetilipdi. Uýgunlaşma meselesinde käbir meseleler bar, ýöne biziň ajaýyp
toparymyz bar we biz edilmeli işleri öwreneris, işiň belli bir bölegi bolsa eýýäm
ýerine ýetirildi" diýip, Gaýer belledi.
Mälim bolşy ýaly, final oýny şenbe güni agşam bolar, ýöne oýundan öň
birnäçe çäreler geçiriler diýip, Tiziano Gaýer aýtdy.
“Takmynan, 3,5 müň janköýer gaty gysga wagtlyk bu ýere geler we şäherde
dynç almak üçin köp mümkinçilikleriň bardygyny hemmeler görer.  Bu ýeriň
hemmelere ýarajakdygyna we şäheriň nireden gelýändigine garamazdan,
ýewropaly myhmanlar üçin ajaýyp platforma boljakdygyna şübhelenmeýärin"-
diýip, ol nygtady.