Toyota elektrik awtoulaglaryny nädip elýeterli etmegiň ugruny tapdy

Reuters habar gullugy elektrik awtoulaglaryň bahasyny arzanlatmagyň
usulyny açyklaýan, material çap etdi. Onuň awtory, meşhur awtoulag öndürijisi
Toyota boldy.
Şeýlelikde, materialdaky maglumatlara görä, 2030-njy ýyla çenli Toyota
awtoulaglar üçin akkumulýatorlary işläp taýýarlamak maksady bilen, takmynan 3,4
milliard dollar maýa goýar. Şeýle hem, täze zawodyň gurluşygyny ABŞ-da amala
aşyrmak üçin, çykdaýjylaryň takmynan 1,29 milliard dollar boljakdygy habar
berildi. Bu başlangyç netijesinde Toyota 1,75 müň täze iş orunlary bilen üpjün
eder. Deslapky maglumatlara görä, degişli zawod 2025-nji ýylda işe girizilmelidir.
Demirgazyk Amerikadaky Toyota kompaniýasynyň baş direktory Ted
Ogawanyň sözlerine görä, maýa goýumlaryň kömegi bilen, kompaniýanyň elektrik
awtoulaglary has elýeterli bolar.Şeýle hem, Toyota akkumulýatorlaryň bahasyny
30% azaldar.