Şemahy şäheri 2023-nji ýylda türki dünýäsiniň syýahatçylyk paýtagty hökmünde saýlandy. Trend-iň habar bermegine görä, degişli karar syýahatçylyk ministrleriniň 7-nji mejlisinde we Şemahyda Türki döwletleriň guramasynyň syýahatçylyk boýunça iş toparynyň 17-nji mejlisinde kabul edildi.

Belläp geçsek, Türki döwletleriň guramasyna agza döwletleriň syýahatçylyk ministrleriniň 7-nji duşuşygyna guramanyň Baş sekretary Bagdad Amreýew, Özbegistanyň premýer-ministriniň orunbasary – Özbegistanyň Syýahatçylyk we medeni miras ministri Aziz Abduhakimow, Türkiýäniň Medeniýet we syýahatçylyk ministriniň orunbasary Nadir Alpaslan, Gazagystanyň Medeniýet we sport ministriniň orunbasary Ýeržan Ýerkinbaýew, Türkmenistanyň Azerbaýjandaky adatdan daşary we doly ygtyýarly wekili Mekan Işangulyýew, şeýle-de Wengriýanyň Bakudaky adatdan daşary we doly ygtyýarly wekili Wiktor Sederkenýi gatnaşdy. Türkmenistanyň Medeniýet ministriniň orunbasary Nursähet Şirimow bu çärä onlaýn görnüşde gatnaşdy.