Londonyň Imperial kollejiniň gözlegçileri tarapyndan geçirilen täze modelirleme, COVID-19 garşy sanjymyň 2021-nji ýyl boýunça dünýäde takmynan 20 million adamyň ömrüni halas edendigini görkezdi.

Gözlegde ulanylan kompýuter modeli ilki bilen 185 ýurtdan ölenleriň artykdygy baradaky habarlary yzarlady. Soňra her ýurtda COVID-19-yň ýaýramagy, şeýle hem aýry-aýry ýurtlarda sanjym derejesi hasaba alyndy. Şuňa esaslanyp, model 2021-nji ýylyň dowamynda sanjym geçirilen her ýurtda näçe adamyň ölüminiň öňüni alandygyny çaklamagy başardy.

Umuman alanyňda, modele görä, sanjymlar işlenip düzülmedik we ýaýramadyk ýagdaýynda, dünýäde 2021-nji ýylda COVID-19 keselinden ölenleriň sany 31,4 million bolardy. Model tarapyndan 2021-nji ýylda ölenleriň sany, şol sanda COVID-19-a resmi taýdan degişli bolmadyk artykmaç ölümler 11,6 million diýlip çaklanyldy. Ýagny, modele görä sanjymlar geçen ýyl 19,8 million adamyň ömrüni halas etdi.

DEGIŞLI MAKALALAR:AWTORYŇ BEÝLEKI MAKALALARY: