Türkiýäniň Bursa welaýatynyň Iznik etrabynda 29-njy sentýabrynda badalga berlen IV Bütindünýä çarwa oýunlary tamamlandy. Sportuň 13 görnüşi boýunça geçirilen bäsleşiklere dünýäniň 102 ýurdundan tejribeli türgenler gatnaşdy. Bäsleşigiň çäklerinde konsertler, milli tagamlar taýýarlanan sergiler we ýene-de birnäçe gyzykly çäreler geçirildi. Mundan başga-da bäsleşige tomaşa etmäne gelenlere ýaý atmak we at münmek boýunça mümkinçilikleriň döredilmegi, tomaşaçylarda has-da uly gyzyklanma döretdi.

3000-den gowrak türgenleri bir ýere jemlän bäsleşigiň mundan ozal üç gezek Gyrgyzystanda geçirilendigi bellenýär. Bäsleşikleri geçirmekligiň esasy maksady dünýäniň çarwadar halklarynyň medeniýetini görkezmek we medeni gymmatlyklaryny äşgär etmek bolup durýar.

Kakabaý KAKABAÝEW,

TDBGI-niň mugallymy

DEGIŞLI MAKALALAR:AWTORYŇ BEÝLEKI MAKALALARY: