RU
,,Sanly ykdysadyýet” adalgasy ilkinji gezek 1995-nji ýylda Massaçusets uniwersitetiniň alymy Nikolas Negroponte tarapyndan ulanyldy we ol informasion-kommunikasion tehnologiýalaryň ýokary depginli ösmegi netijesinde ykdysadyýetiň täze görnüşiniň emele gelendigi bilen baglanyşyklydyr.
Sanly ykdysadyýet – informasion-kommunikasion tehnologiýalara esaslanan ykdysady, durmuş we medeni gatnaşyklaryň ulgamy.
Internet we mobil aragatnaşyk sanly ykdysadyýetiň esasy tehnologiýalary bolup hyzmat edýär.Sanly ykdysadyýet – gibrid dünýä şertlerindäki ykdysadyýet.Sanly ykdysadyýet – ykdysadyýetiň täze görnüşi bolup, hemme gatnaşyjylaryň umumy we şahsy maglumatlaryny ulanmagyň esasynda olaryň ähli isleglerini kanagtlandyrmak bilen häsiýetlendirilýär.
Sanly ykdysadyýetiň esasy alamatlary:
Elektron pul
Kraudfanding
Onlaýn hyzmatlar, zatlaryň interneti (IoT)
Internet bank hyzmatlary
Internet arkaly söwda
Elektron tölegler
Berkarar döwletimiziň täze eýýamynyň galkynyşy döwründe sanly ykdysadyýeti ornaşdyrmaklyk «Türkmenistanda 2019 — 2025-nji ýyllarda sanly ykdysadyýeti ösdürmegiň Konsepsiýasyna» laýyklykda, üstünlikli alnyp barylýar. Ony amala aşyrmaklygyň çäklerinde milli ykdysadyýetimiziň pudaklaryna sanly tehnologiýalary giňden ornaşdyrmak we ähli ulgamlaryň maddy-enjamlaýyn binýadyny berkitmek babatda ýokary netijeler gazanylýar.
Ýazgeldi HALYŞOW,
Türkmen oba hojalyk institutynyň mugallymy.
