RU
Işgärlere ýolbaşçylyk etmek hemme wezipeleri bir bitewilige birikdirmäge, ylalaşdyrmaga ündelýär. Ýolbaşçylyk wezipesi hemme dolandyrmanyň merkezidir. Dolandyrmak ulgamy näçe çylşyrymly bolsa, ýolbaşçynyň öňünde şol hemişelik kämilleşdirmegi talap edýär.
Işgärlere ýolbaşçylyk etmegiň esaslary şulardan ybarat:
her bir işgäriň öz işine jogapkärçiligi;
her bir işgäriň özüniň kimiň ýolbaşçylygynda we kimden görkezme alandygyny bilmeli;
Işgärleri dolandyrmagyň maksady işgärleri has ýokary derejeli we öndürijilikli zähmete ukybynyň ösmegine meýil döretmekdir. Ýolbaşçy öz işgärlerine buýurmaly däl-de, olaryň güýjüni ugrukdyrmaly, olaryň mümkinçiliklerini açmaga kömek etmeli, öz töweregine pikir derejelerini toplamaly.
Dolandyrmagyň durmuş-psihologik taraplary (gulluk ýagdaýynyň durnuklylygy, işgärleriň öz kärhanasyna jogapkärçiligi terbiýelemek) ähmiýetli.
Işgärlere ýolbaşçylyk etmegiň netijeliligini iş ýerini gowy guramakdan, oýlanyşykly meýilnamalaşdyrmakdan we önüm-çilik meýdanlaryny ulanmakdan, işgärleri yzygiderli gaýtadan taýýarlamak we hünärleri ýokarlandyrmakdan, dürli durmuş-ykdysady maksatnamalary işläp taýýarlamakdan we olary amala aşyrmakdan gazanyp bolýar.
Işgärleri dolandyrmagyň maksatnamasyny işläp düzmek goýlan maksadyň esasy taraplary, arabaglanyşygy, zähmet öndürijiliginiň, önümiň hiliniň ýokarlanmagy, zähmete tölegde çeýeligi, işgärler bilen bilelikde baş ugry saýlamakdan durýar.
Önümçiligi guramakda we dolandyrmakda zähmete töleg has ýokary hünär derejeli işgärleri işe höweslendirmek üçin bäsleşikli esas döretmeli. Has ýokary tölegi birnäçe ýanaşyk hünärleri bar bolan işgärler alýarlar. Düşewintlik syýasaty işgärleriň we telekeçileriň ykdysady ösüşiniň gidişini höweslendirmekde wajyp orny eýeleýär. Düşewintler baradaky ylalaşyk pudaklar we kärhanalar boýunça işgärleriň we telekeçileriň toparlaýyn şertnamasy görnüşinde takyklanýar we gözegçilikde bolýar. Telekeçiler durmuş parahatçylygyny we peýdasyny goramaga kepil alýarlar.
Baýramowa Mähriban
Halkara senagatçylar we telekeçiler uniwersitetiniň Dil öwreniş bölüminiň 108-nji toparynyň talyby
