Türkmen-owgan serhedinde Türkmenistan – Owganystan – Pakistan – Hindistan (TOPH) transmilli gaz geçirijisiniň taslamasynyň Serhetabat – Hyrat böleginiň gurluşygyna badalga berildi. Bu barada TDH habar berýär.

Mälim boluşy ýaly, geçirilen dabaralara Türkmenistanyň Prezidenti Serdar Berdimuhamedow we türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow, şeýle hem Owganystanyň Ministrler Kabinetiniň Başlygynyň wezipesini ýerine ýetiriji Molla Mohammed Hasan Ahund gatnaşdylar.

Gaz geçirijiniň bu böleginiň gurluşygy sebitde durnukly energiýa infrastrukturasyny döretmek ugrunda möhüm ädimdir. Türkmenistan – Owganystan – Pakistan – Hindistan turbageçirijisi parnik gazlarynyň zyňyndylaryny azaltmaga, Günorta we Merkezi Aziýada energiýa howpsuzlygyny pugtalandyrmaga ýardam etmek bilen, Türkmenistandan, Owganystandan we Pakistandan geçip, Hindistana tebigy gazy ýetirer. Bu iri taslama şeýle hem daşky gurşaw meselelerini çözmekde we sebitde durnukly ykdysady ösüşi goldamakda möhüm orna eýedir.

 Erkin Annageldiýew

 Türkmen oba hojalyk institutynyň

 Agronomçylyk fakultetiniň

    4-nji ýyl talyby

DEGIŞLI MAKALALAR:AWTORYŇ BEÝLEKI MAKALALARY: