RU
Döwletmämmet Azady adyndaky Arkadag şäher kitaphanasy, Türkmenistanyň ilkinji “akylly” şäheri bolan Arkadag şäheriniň bilim, medeniýet we sanly ösüş merkezleriniň biridir. Bu atly-abraýly kitaphananyň ady, nusgawy türkmen şahyry, akyldary we Magtymguly Pyragynyň kakasy Döwletmämmet Azada bagyşlanandyr.Kitaphana binasy häzirki zaman binagärlik ülňüleri esasynda, millilik bilen utgaşdyrylyp gurlupdyr. Ol diňe bir kitap saklanýan ýer däl, eýsem, okuw we döredijilik üçin oňaýly, ruhlandyryjy giňişligi hödürleýär. Kitaphana Arkadag şäheriniň esasy binalarynyň biridir. Onuň ýerleşýän ýeri we içki bezegi şäheriň ekologik, oňaýly we sanly düzüminiň konsepsiýasyna doly laýyk gelýär.Döwletmämmet Azady adyndaky Kitaphana, Türkmenistanyň we dünýäniň dürli dillerindäki köp sanly neşirleri özünde jemleýän baý gazna eýedir.
Nusgawy türkmen şahyrlarynyň we ýazyjylarynyň eserleri, taryhy kitaplar we Türkmenistanyň Garaşsyzlyk döwründäki ösüşine bagyşlanan neşirler esasy orny eýeleýär.Oba hojalygy, atçylyk, weterinariýa, ykdysadyýet, sanly tehnologiýalar we gurluşyk ýaly Arkadag şäheri üçin wajyp bolan ugurlara degişli iň täze ylmy neşirler bar.Ýaş okyjylaryň ýaş aýratynlyklaryna laýyk gelýän dürli reňkli we öwrediji kitaplar, çeper eserler we gollanmalar hödürlenýär.Dünýäniň nusgawy we häzirki zaman edebiýatynyň iň gowy eserlerini öz içine alýan bölüm.
Kitaphana “akylly” şäheriň aýratynlyklaryndan gelip çykýan iň täze maglumat-kommunikasiýa tehnologiýalary bilen üpjün edilendir.
Okyjylara kitaphananyň baý gaznasynyň sanly görnüşine internet arkaly girmäge mümkinçilik berýän giňişleýin elektron kitaphanalar ulgamy hereket edýär.Kompýuterler, planşetler we beýleki sanly enjamlar bilen enjamlaşdyrylan okalga zallary, okyjylaryň maglumatlary tiz tapmagyna we öwrenmegine ýardam berýär.Kitaphanadaky ähli hyzmatlar we gaznalar ýöriteleşdirilen programmalar arkaly sanly esasda dolandyrylýar.Döwletmämmet Azady adyndaky Arkadag şäher kitaphanasy diňe bir kitap berýän ýer däl, eýsem, medeni alyş-çalyş merkezi we jemgyýetçilik giňişligidir. Talyplar, mugallymlar we ylmy işgärler üçin ylmy we okuw maglumatlaryny alyp biljek esasy ýer. Onda ýygy-ýygydan edebi agşamlar, duşuşyklar, maslahatlar we sergiler guralyp, şäheriň medeni durmuşy janlanýar.
Bu kitaphana Arkadag şäheriniň ýaşlarynyň we ähli ýaşaýjylarynyň bilim derejesini ýokarlandyrmaga, ruhy we ylmy gymmatlyklary wagyz etmäge uly goşant goşýar.Bu kitaphanada giň okyjylar köpçüligi üçin döwrebap we amatly şertler döredilip, ol şol bir wagtyň özünde hem kitaphana, hem-de habar beriş hyzmatyny amala aşyrýan döwlet edarasydyr. Türkmenistanyň Medeniýet ministrligine degişli bolan bu kitaphana birbada 600 okyjyny kabul etmage we 3 million neşir birligini saklamaga niýetlenendir. Kitaphana häzirki zaman innowasion tehnologiýalar bilen enjamlaşdyryldy, bu ýerde elektron katalog ulgamy hereket edýär. Kitaphananyň täzebir aýratyn tarapy, onda obserwatoriýa bolup, onuň düzüminde ýerleşdirilen kämil teleskop arkaly asman jisimlerini synlamak mümkinçiligi döredildi.
Kitaphanada Syýasy jemgyýetçilik edebiýatlarynyň zaly, Sungat zaly, Obahojalyk edebiýatlarynyň zaly, Çagalar üçin okalga zaly, milli däp-dessurlarymyza laýyklykda bezelen Ýaşulular üçin okalga zaly bolup okyjylar üçin ähli amatlyklar göz öňüne tutulandyr. Kitaphanyň okalga zallarynda orta asyr Türkmenistanyň medrese gurluşyna çalymdaş görnüşde arkatura bezegler, döwrebap täze enjamlar bilen sazlaşýar. Kitaphanada ýerleşdirilen oňaýly mebeller, mylaýym ýagtylyk berýän çyralar okyjylaryň ygtyýarynda. Mundan başga-da, okalga zalynyň diwarlarynda türkmen beýik şahsyýetleri bolan Döwletmämmet Azadynyň, Magtymguly Pyragynyň, we ýene-de birnäçe türkmen nusgawy şahyrlarynyň kanoniki portretleri bilen gurşalmagy okyjylara diňe bir kitaphananyň kitaplaryndan peýdalanmak dal-de, eýsem bu beýik şahsyýetlerden ylham almak hem gözöňinde tutulypdyr.
Azizowa Melike
Halkara senagatçylar we telekeçiler uniwersitetiniň Dil öwreniş bölüminiň 106-njy toparynyň talyby
