RU
Türkmenistanyň paýtagty Aşgabat diňe bir administratiw merkez däl, eýsem, dünýäniň ähli şäherleriniň arasynda özüniň üýtgeşik binagärlik konsepsiýasy, arassalygy we durnukly ösüşi bilen tapawutlanýan hakyky bir Göwher Gaş (ýa-da merjen) hasaplanýar. Soňky onýyllyklarda şäher özüniň taryhy ýoly bilen häzirki zamanyň iň kämil inženerçilik çözgütlerini utgaşdyryp, Merkezi Aziýanyň dabaraly nyşanyna öwrüldi.
Aşgabady “Göwher Gaş” edýän iň esasy aýratynlyk — bu onuň binagärliginde agdyklyk edýän ak mermer reňkidir. Aşgabat dünýäniň iň köp ak mermerli binalary bolan şäheri hökmünde Guinnessiň Rekordlar kitabyna girizildi. Bu aklyk diňe bir gözellik däl, eýsem, parahatçylygy, arassalygy we päkligi simwollaşdyrýar.Şäherde ähli binalar bir bitewi stilde gurlup, durnuklylygy we asyllylygy görkezýän bir ansambly döredýär. Bu, çylşyrymlylykdan daşda durup, kämil sazlaşygy görkezýär.
Aşgabadyň göwher ýaly parlaklygy onuň diňe bir häzirki zaman däl, eýsem, taryhy kökleri bilen baglanyşyklydyr.Şäheriň kaşaň binalarynyň dizaýnynda türkmen halylarynyň we milli nagyşlaryň elementleri ussatlyk bilen ulanylandyr. Bu, şähere milli şahsyýet we aýratyn ruh berýär.
Şäheriň merkezindäki “Ylham” Seýilgähi we Bitaraplyk Monumenti ýaly desgalar, türkmen halkynyň taryhy gahrymanlaryna we medeni mirasyna goýulýan uly hormaty beýan edýär.
Aşgabadyň “Göwher Gaş” hökmünde parlamagy onuň daşary syýasatynyň esasyny düzýär.Bitaraplyk ýörelgesi bilen berk baglanyşyklydyr.Şäheriň iň beýik we esasy simwollarynyň biri bolan bu Monument, Türkmenistanyň parahatçylyk söýüji syýasatyny we halkara gatnaşyklarda eýeleýän durnukly ornuny görkezýär. Aşgabat yzygiderli Halkara forumlary, maslahatlary we döwletara duşuşyklary kabul edýär. Bu bolsa şäheriň Merkezi Aziýada we dünýäde diplomatik gepleşikleriň we dostlugyň merkezine öwrülendigini tassyklaýar.Şäheriň ýokary hilli ýaşaýyş standartlary we döwrebap infrastrukturalary hem “Göwher” adyny berkidýär. Giň şaýollary, arassaçylygyň iň ýokary derejesi, we seýilgähleriň köplügi Aşgabady dünýäniň ýaşaýyş üçin iň amatly şäherleriniň birine öwürýär.
Aşgabat — bu diňe bir şäher däl. Ol, türkmen halkynyň taryhy mirasyny, parahatçylyk söýüjiligini we geljege bolan bimöçber umydyny ak mermer bilen we altyn reňk bilen asmana beýan eden, Merkezi Aziýanyň hakyky Göwher Gaşydyr. Onuň kämil gözelligi, durnuklylygy we açyklygy döwrebap Türkmenistanyň ruhuny doly şöhlelendirýär
Gurbandurdyýew Kerim
Halkara senagatçylar we telekeçiler uniwersitetiniň Dil öwreniş bölüminiň 109-njy toparynyň talyby
