RU
Gyşky sportuň iň gyzykly we hereketli iki görnüşi – bu şaýbaly hokkeý (Ice Hockey) we şort-trek (Short Track Speed Skating). Bu iki sport görnüşi hem diňe bir fiziki güýç we çaltlyk däl, eýsem, ýokary derejeli taktika, batyrlyk we kesgitli häsiýeti talap edýär. Bular, buz üstündäki hakyky sungat we bäsleşik dramasy bolup durýar.
Şaýbaly hokkeý, buz üstündäki iň meşhur we dinamiki topar sportlarynyň biridir. Ol tizligi, güýji we toparyň sazlaşygyny ajaýyp utgaşdyrýar.Hokkeý oýunçylary, sagatda 40 km/sag çenli tizlik bilen hereket edip bilýärler. Bu tizlik kelle we fiziki reaksiýanyň ýokary derejesini talap edýär.
Hokkeýçiniň taýak bilen urýan şaýbasynyň tizligi sagatda 160 km-den geçip bilýär. Bu, oýunçynyň maksadaurlugynyň we taýagy dolandyrmak ussatlygynyň iň ýokary görkezijisidir.Hokkeý — bu gaty fiziki kontakt (güýç ulanmak) rugsat berilýän sport. Oýunçylar köplenç duşmanyň hüjümini saklamak ýa-da şaýbany almak üçin beýleki oýunçylar bilen çaknyşýarlar (Body Check). Bu, batyrlygy we agyryya çydamlylygy talap edýär.Hokkeý, şahsy ussatlykdan has beter, toparyň utgaşyklygyny talap edýär.
Hokkeýçiler gysga wagt aralygynda (45 sekuntdan 1,5 minuta çenli) güýçli hereket edip, çalt-çaltdan çalşylýarlar. Bu, ýokary taktiki garaýşy we güýji dogry paýlamagy öwredýär.Toparyň hüjümleri köplenç diňe bir pursatda ýerine ýetirilýär. Topar agzalarynyň hereketlerini şaýbany görmezden çaklamak ukyby — bu ýakyn hyzmatdaşlygyň we toparyň ruhunyň iň ýokary derejesini görkezýär.Şort-trek ýa-da gysga ýodalarda konki sürmek — bu 111,12 metr uzynlykdaky kiçi aýlawda geçirilýän çaltlyk bäsleşigi. Bu sport, tizligiň, çalasynlygyň we bäsdeşlik strategiýasynyň iň ýiti görnüşidir.Şort-trekçiler beýleki konki görnüşlerinden tapawutlylykda, dar burçlarda ýokary tizlikde (tizligi sagatda 50 km-e çenli) hereket edýärler. Iň esasy kynçylyk — bu iňňän ýiti burçlary ýeňillik bilen geçmekdir. Konkiçiler burçlarda ýykylmazlyk üçin ellerini buzdan goldaw hökmünde ulanýarlar. Bu, bedeniň doly dolandyrylmagyny we inçe ussatlygy talap edýär. Şort-trek bäsleşikleri gaty howply bolup biler. Ýykylyşlar, çaknyşyklar we soňky metrlerdäki dartgynly göreş bu sporta aýratyn dramatizm berýär.Şort-trekde esasy zat diňe çalt ylgamak däl, eýsem, dogry pozisiýany saýlamakdyr.Konkiçiler garşydaşlarynyň öňünden geçmek ýa-da olara ýol bermezlik üçin taktiki hereketleri ulanýarlar. Soňky aýlawlardaky hüjümler we finiş çyzygyny geçmek üçin edilýän iň soňky böwetler (Lunging) — bu sportuň iň esasy we gyzykly bölekleridir.
Hokkeý we şort-trek dürli görnüşler bolsa-da, ikisi hem türgenlerden şu häsiýetleri talap edýär:Buz üstündäki islendik sport, bir sekundyň dowamynda karar kabul etmegi we hereket etmegi talap edýär.Ýykylyşlara we agyrylara garamazdan, maksada ygrarly bolmak.Şaýbaly hokkeý we şort-trek – buz üstündäki tizlik, güýç we zehin bäsleşiginiň iň kämil görnüşleridir. Olar tomaşaçylara diňe bir fiziki ussatlygy däl, eýsem, ýokary derejeli taktiki oýunlary we kesgitli häsiýetiň gözelligini hem görkezýär.
Annamedowa Selbi
Halkara senagatçylar we telekeçiler uniwersitetiniň Dil öwreniş bölüminiň 111-nji toparynyň talyby
