RU
Sport – diňe bir fiziki maşgala däl, eýsem, bütin ömrüňi özgertmäge ukyply güýçli filosofiýadyr. Türkmen halkynyň arasynda, “Sport biziň üçin ruhubelent ýaşaýşyň gözbaşydyr” diýen pähim çuň many-mazmuna eýedir. Bu sözler bedeniňi we ruhuňy berkidýän, ýeňişlere ruhlandyrýan, iň esasy hem durmuşyň her bir gününe bagtly we gujurly başlamaga ýardam berýän hereketiň ähmiýetini nygtaýar.
Sport, ilkinji nobatda, adam saglygynyň iň möhüm sütünidir. Yzygiderli fiziki işjeňlik ýürek-damar ulgamyny berkidýär, gan basyşyny kadalaşdyrýar we süňkleriň dykyzlygyny ýokarlandyrýar. Munuň netijesinde, biz diňe bir uzyn we sagdyn ýaşamaga däl, eýsem, her güni energiýa doly we agyrsyz geçirmäge-de mümkinçilik alýarys. Sport bilen meşgullanmak adamyň immunitetini güýçlendirip, dürli kesellere garşy göreşmek ukybyny artdyrýar.Sportyň bedene edýän täsiri barada köp gürrüň edilýär, emma onuň adamyň ruhy dünýäsine edýän oňyn täsiri has ähmiýetlidir.Fiziki maşgalalar wagtynda endorfinler — “bagt gormonlary” bölünip çykýar, bu bolsa nerw dartgynlygyny we stresi azaldýar.Goýlan maksada ýetmek we fiziki taýdan kynçylyklary ýeňip geçmek ukyby adamyň özüne bolan ynamyny artdyrýar. Bu ynam soňra durmuşyň beýleki ugurlarynda (işde, okuwda) hem ýeňiş gazanmaga kömek edýär.
Sport yzygiderliligi we tertip-düzgüni talap edýär. Bu häsiýetler adamyň gündelik durmuşyny gowulandyryp, ony has maksatly we guramaçylykly edýär.Topar sportlary, futboldyr, woleýboldyr, basketboldyr – adamlaryň arasyndaky bileleşigi güýçlendirýär. Sport meýdançasynda adamlar ýeňiş gazanmak üçin bir maksada gulluk edýärler, bir-birlerine goldaw berýärler. Bu bolsa, dostluk, özara hormat we jogapkärçilik ýaly gymmatly häsiýetleri kemala getirýär. Şeýle hem, sport adamlary milletine we diline garamazdan birleşdirýän umumadamzat gymmatlygy bolup durýar.
Häzirki wagtda, Türkmenistan sportyň ösüşine uly üns berýär. Bu, geljekki nesilleriň diňe bir fiziki taýdan güýçli däl, eýsem, ruhy taýdan-da berk we Watanyna wepaly şahsyýetler bolup ýetişmegi üçin ähmiýetlidir. Sport bilen meşgullanýan ýaşlar has sagdyn, maksatly we kynçylyklara döz gelmegi başarýan bolýarlar.
Sport diýmek, diňe bir medal we rekordlar däl. Sport – bu öz-özüňi ýeňmek, irginsiz zähmet çekmek we her güni gujurly garşylamak ukybydyr.
Şonuň üçin, “Sport biziň üçin ruhubelent ýaşaýşyň gözbaşydyr” diýen sözler, her bir adamy herekete, sagdynlyga we üstünlige çagyrýan ýyly we güýçli ylhamdyr!
Wepaýewa Selbi
Halkara senagatçylar we telekeçiler uniwersitetiniň Dil öwreniş bölüminiň 111-nji toparynyň talyby
