Doly Saglygyň Filosofiýasy

​Doly saglyk düşünjesi (Holistic Health) adamzadyň fiziki keseliniň ýoklugyndan has giňdir. Bu filosofiýa, adamyň beden, akyl, duýgy we ruh ýaly aýrylmaz böleklerden ybarat bolan bütewi bir ulgamdygyna esaslanýar. Bu bölekleriň ählisiniň deňagramly we sazlaşykly bolmagy, doly saglyga ýetmegiň açarydyr.Doly saglygyň filosofiýasynda, her bir ugur özbaşdak, ýöne bir-birine baglydyr.

​Fiziki saglyk — dogry iýmitlenmek, yzygiderli maşk, ýeterlik uky we zyýanly endiklerden gaça durmak.Bedeni diňe bir hereket edýän maşyn däl-de, eýsem, ruhuň we akylyň ybadathanasy hökmünde kabul etmek. Bedeniň signallaryny (açlyk, ýadawlyk, agyry) diňlemegi öwrenmek wajypdyr.Bu, beýniniň we düşünjeleriň nähili işleýändigi. Akyl saglygy, öwrenmek, döredijilik we durmuşyň kynçylyklaryny çözmek ukyby bilen baglydyr. Negatiw pikirleriň we dowamly stresiň bedene fiziki täsirini düşüniň. Aňlylyk (Mindfulness) we meditasiýa arkaly pikirleri dolandyrmagy öwrenmek, akylyňyzy goramagyň esasy ýoludyr.Duýgy saglygy — bu öz duýgularyňy ykrar etmek, olary sagdyn usullar bilen beýan etmek we başgalar bilen gowy gatnaşyklar gurmak ukyby.Duýgulary “gowy” ýa-da “erbet” diýip bölmekden gaça durmak. Gahary, gaýgyny ýa-da beýleki agyr duýgulary basyp ýatyrmagyň ýerine, olaryň sebäbini tapmaga synanyşmak we olary erkin goýbermegi öwrenmek.Dini ynançlar bilen bagly bolmagy hökman däl. Ruhy saglyk — durmuşda many, maksat we gymmatlyklar duýgusyny tapmak. Öz-özüň bilen we daşky dünýä bilen baglanyşyk duýgusyny ösdürmek. Bu, tebigatda wagt geçirmek, sungat bilen meşgullanmak ýa-da özüňizden uly zatlara ynanmak arkaly amala aşyrylýar.

​Doly saglygyň filosofiýasy, bu dört sütün bir-birine täsir edýändigini öňe sürýär.Dowamly stres (Duýgy/Akyl meselesi) ýatagyňyzy gowşadyp, myşsa agyrylaryna (Fiziki mesele) ýa-da durmuşda maksadyňyzy ýitirmäge (Ruhy mesele) sebäp bolup biler. Şonuň üçin bejergi, diňe fiziki alamaty aýyrmak däl-de, asyl sebäbini tapmaga gönükdirilmelidir.Doly saglygyň iň esasy filosofik ýörelgesi, onuň hemişelik prosesdigidir. Biz saglygy “gazanmak” üçin işlemeýäris; biz her gün gowy kararlar we endikler arkaly oňa ýetmegi dowam etdirýäris.Bu filosofiýa laýyklykda, saglyk bu pasiw ýagdaý däl, eýsem, her gün öz-özüňe ideg we öz-özüňe rehimdarlyk bilen edilýän işjeň jogapkärçilikdir.

​Doly Saglygyň Filosofiýasy, bizi durmuşymyza has bütewi çemeleşmäge çagyrýar. Bedeniňizi, akylyňyzy, duýgyňyzy we ruhuňyzy deň derejede hormatlamak we goldamak arkaly siz diňe bir uzak ýaşamak däl, eýsem, durmuşyň her bir pursadynda doly hili we many bilen ýaşamak üçin ýol açýarsyňyz.

Dolaýewa Suraý

Halkara senagatçylar we telekeçiler uniwersitetiniň Dil öwreniş bölüminiň 115-nji toparynyň talyby