RU
Biz köplenç iýmiti diňe açlygy gandarmak üçin ulanylan ýönekeý bir zat hasaplaýarys. Emma hakykatda, iýmitlenmek – bu bedeniň iň möhüm funksiýalaryny dolandyrýan, keselden goraýan we gündelik energiýany üpjün edýän kompleks prosesdir. Dogry iýmitlenme ýörelgelerine eýermek, bedeniň özüni bejermek we dikeltmek ukybyny güýçlendirýän täsirli dermanhana ýüz tutmak bilen deňdir.
Dogry iýmitlenmek, diňe bir näme iýmeli däl-de, eýsem, nähili, haçan we näçe iýmeli diýen soraglara hem jogap berýär.Günüň dowamynda 4-5 gezek, az-azdan iýmek iň dogry ýoldur. Bu, ganymyzdaky şeker derejesini kadaly saklamaga, metabolizmi (maddalaryň alyş-çalşygyny) güýçlendirmäge we agşam ýatmazdan öň artykmaç iýmekden saklanmaga kömek edýär.Esasy energiýa çeşmesi bolan ertirlik naharyny hiç haçan geçirmeli däl. Agşam naharyny bolsa ýatmazdan 3-4 sagat öň iýmeli.
Bedeniň takmynan 60-70%-i suwdan ybaratdyr. Suw
Bedenden toksinleri (zyýanly maddalary) çykarmaga ýardam edýär.
Iýmit siňdiriş we maddalaryň alyş-çalşygy proseslerini gowulandyrýar.
Deriniň çeýeligini we ýagdaýyny gowulandyrýar.
Günüň dowamynda ýeterlik mukdarda arassa suw içmek iýmitlenmegiň esasy düzgünidir.
Dogry iýmitlenmäniň esasynda beloklaryň (proteinler), ýaglaryň (lipidler) we uglewodlaryň (karbonhidratlar) deňagramlylygy ýatýar:Gök Önümler we Miweler: Witamin Bombalary
Gök önümler we miweler iýmitiň esasy bölegini düzmelidir. Olar witaminler, minerallar we kletçatka (fiber) bilen baýdyr. Kletçatka iýmit siňdiriş ulgamyny arassalamaga, içegeleriň işini kadalaşdyrmaga we zyýanly holesteriniň derejesini peseltmäge kömek edýär.Dogry iýmitlenmek ýörelgelerini berjaý etmezlik diňe bir artykmaç agrama däl, eýsem, birnäçe agyr kesel döräp biljek töwekgelçiligi ýokarlandyrýar:
Semizlik;
Ýürek-damar keselleri (gipertoniýa, infarkt); Iýmit siňdiriş ulgamynyň bozulmalary.
Dogry iýmitlenmek – bu wagtlaýyn berhiz (diýeta) däl, eýsem, ömürboýy dowam etmeli medeniýetdir. Öz saglygyňa ýatyrýan bu maýa goýum, size uzak ömür, ýokary energiýa we ruhubelentlik görnüşinde hasyl berer.
Hajymämmedowa Tawus
Halkara senagatçylar we telekeçiler uniwersitetiniň Dil öwreniş bölüminiň 119-njy toparynyň talyby
