Ispaniýanyň 21-nji asyryň iň gowy futbol kluby kesgitlenildi

Ispaniýanyň futbol taryhy we statistika gözleg merkezi (CIHEFE) 21-nji asyryň iň gowy klublarynyň sanawyny çykardy. Reýtingde «Barselona» (3465 utuk) we 34 sany kubok bilen birinji ýeri eýeledi. Madridiň «Realy» (3347) we «Atletiko» (2149) degişlilikde 2-nji we 3-nji orny eýelediler. “Real” bu döwürde 29 kubok gazandy.

Ondan soňra Walensiýa (2,139), Sewilýa (1,992), Willarreal (1,648), Atletik (1,405), Deportiwo (1395), ”Selta” (1,164), “Espanýol” (1,144), “Betis” (1,137), “Real Sosýedad”(1,108), “Malaga ”(1,035), “Hetafe” (1,028) we “Mallorka” (1 009) klublary gazanan utuklary bilen sanawdan orun almagy başardylar.

Toparlar tarapyndan 2000/01 möwsüminden 2019/20 möwsümine çenli ýazylan netijeler hasaba alyndy we Halkara Futbol Taryhy we Statistika Federasiýasynyň (IFFHS) ýörelgelerine laýyklykda hasaplandy. Esasy üns baýraklara däl-de, ýeňilen oýunlaryň sanyna gönükdirildi – her ýeňiş üçin 9 utuk we deňme-deň oýunlar üçin 3 utuk.