RU
Saglyk — bahasyz baýlyk. Bu baýlygy aýap saklamak üçin sagdyn durmuş ýörelgesini berjaý etmek zerurdyr.
— Dogry iýmitleniň! Witaminlere baý gök önümleri we miweleri köpräk iýiň! Olary iýmezden ozal, gyzgyn suw bilen gowy edip ýuwmagy ýatdan çykarmaň! Tagamlary talabalaýyk we dogry taýýarlaň!
— Her gün azyndan 2 litr arassa suw içiň!
— Arassaçylyk düzgünlerini berjaý ediň! Daşardan geleniňizde, nahardan öň hem-de soň eliňizi hökman sabynlap ýuwuň!
— Egin-eşikleriňizi arassa saklaň! Pasla görä geýniň!
— 8 sagatdan az bolmadyk kadaly ukyňyzy alyň!
— Daşary çykanyňyzda agyz-burun örtügini dakynmagy ýatdan çykarmaň! Örtügi talabalaýyk, dürs dakynyň!
— Jemgyýetçilik ýerlerinde howpsuz araçägi — 2 metr aralygy saklaň!
— Öý we iş otaglaryňyzyň penjirelerini açyp, ýelejiredip, howasyny çalşyp duruň!
— Üzärlik tütedip, zyýansyzlandyryş serişdeleri bilen çygly arassaçylyk işlerini yzygiderli geçirip duruň!
— Galyndylary we zir-zibilleri wagtly-wagtynda aýryň!
— Dermanlyk ösümliklerden taýýarlanylan melhem çaýlary içiň!
Türkmenistanyň Saglygy goraýyş we derman senagaty ministrliginiň
Saglygy goraýşyň habarlar merkezi.
Agageldiýew Nedir,
Türkmen Oba Hojalyk Uniwersitetiniň
Gidromeliorasiýa fakultetiniň Gidromeliorasiýa hünariň 3-nji ýyl talyby.
