Katarda 2022-nji ýylda geçiriljek FIFA dünýä çempionaty münberdäki tomaşaçylaryň sanyny çäklendirmezden geçiriler. Muny Halkara Futbol Federasiýasynyň (FIFA) prezidenti Janni Infantino aýtdy, onuň teswirini “Associated Press” habarçysy Rob Harris öz twitterinde berdi.

Katarda geçiriljek dünýä çempionaty 2022-nji ýylyň 21-nji noýabryndan 18-nji dekabry aralygynda meýilleşdirilýär.

2021-nji ýylyň tomsunda Ýewropa çempionaty geçiriler, ýaryş 2020-nji ýylda geçirilmelidi, ýöne koronawirus pandemiýasy sebäpli yza süýşürildi. Ýewropa Futbol Assosiasiýalary Bileleşigi aprel aýynda geçiriljek oýunlarda tomaşaçylaryň sanyny kesgitlär.