RU
Batyr aty bilen batyr, at batyry bilen at.
***
At ýortuşda belli, gurt-ýyrtyşda, är-göreşde, batyr-söweşde.
***
Är ýigidiň göwnünden eýerlenen at durar.
***
Guş – ganaty bile, ýigit – aty bile.
***
Köne dost – eýerli at.
***
Mert ýigitler saçak açar – at alar.
***
Ýigit göre-göre batyr, at çapa-çapa ýüwrük.
***
Adam namartlasa, aty-da aýagyny ýitirer.
***
Akyllynyň aty armaz, dony tozmaz.
***
At aýlanyp gazygyny tapar, är aýlanyp ilini.
***
At ady bilen, ýigit ody bilen.
***
At toýnagyn taý basar.
***
At basyşyndan belli, är – bakyşyndan.
***
At münen atasyny tanamaz.
***
Aty baryň –ganaty bar.
***
Bedew at menzil keser.
***
Bedew jul içinde belli, göwher – kül içinde.
***
At iýmeýän ajy otlar bitmese ýeg.
***
Arpa iýen at menzil keser.
***
Bagşy bilen ýagşy atyň belli baýragy bolmaz.
***
«Atym, atym!» diýseň, at bolar.
***
Atsa wepa-da bar, sapa-da.
***
Aty gamçy bilen sürme, süle bilen sür.
***
At yzy it yzyna garyşmaz.
***
Ata dost ýaly seret-de, duşman ýaly mün.
***
Ata seýis bol, şikese – seýik.
***
At saklamak – han saklamak.
***
At üstüne müneni tanar.
***
At agyna ýerde toý bolar.
Baýramyňyz gutly bolsun!
Döwletýar ARÇAMYRADOW,
Türkmenistanyň Daşary işler ministrliginiň
Halkara gatnaşyklary institutynyň talyby.
