RU
Tsinghua Uniwersiteti (Hytaý dilinde: 清华大学, “Qīnghuá Dàxué”) Hytaý Halk Respublikasynyň Pekin şäherinde ýerleşýän, abraýly we dünýäde ykrar edilen uniwersitetleriň biridir. Ol ylym, inženerçilik we tehnologiýa ugurlary boýunça ýöriteleşmegi bilen tanalýar, emma häzirki wagtda köpugurly gözleg uniwersiteti hökmünde ösdi.Ol 1911-nji ýylda dòredilýàr.Ýerleşýän ýeri bolsa Hytaý, Pekin şäheriniň Haýdian (Haidian Qu) etraby.Ol Döwlet uniwersiteti bolup durýar.
Şygary (Iňlisçe): “Self-Discipline and Social Commitment” (Öz-özüňe erk etmek we jemgyýetçilik borjy).
Abraýy: Hytaýyň iň gowy uniwersitetleriniň biri hasaplanýar we dünýä reýtinglerinde ýokary orunlary eýeleýär.
Tsinghua Uniwersiteti 1911-nji ýylda, aslynda ABŞ-da okajak hytaýly talyplary taýýarlamak üçin gurlan “Tsing Hua Imperial College” ady bilen esaslandyrylýar. Bu mekdep boksçylaryň gozgalaňyndan soň Hytaýdan alnan jeza tölegleriniň (Boxer Indemnity) bir böleginiň ABŞ hökümeti tarapyndan yzyna berlen serişdeleri esasynda döredilýär. 1928-nji ýylda ol resmi taýdan “Milli Tsinghua Uniwersiteti” adyny alýar we doly dört ýyllyk bilim berýän uniwersitet derejesine geçýär.
1937-nji ýylda Ýapon-Hytaý urşy sebäpli, Pekin we Nankaý uniwersitetleri bilen birleşip, Kunming şäherinde “Milli Günorta-Günbatar Bileleşen Uniwersiteti” hökmünde işini dowam etdirýär. Uruşdan soň, 1946-njy ýylda Pekine yzyna dolanyp, öz esasy ýerine geçýär. 1952-nji ýylda geçirilen täzeden gurmak işlerinden soň, uniwersitet esasan inženerçilik we tehniki ugurlara ýöriteleşen politehniki instituta öwrülýär. Soňky onýyllyklarda, 1978-nji ýylda Hytaý dünýä açylandan soň, ylym, gumanitar ylymlar, hukuk, ykdysadyýet we beýleki ugurlary öz içine alýan giň gerimli gözleg uniwersitetine ösdi.
Tsinghua Uniwersitetiniň kampasy Pekiniň demirgazyk-günbatarynda, Qing dinastiýasynyň imperator baglarynyň öňki ýerinde ýerleşýär. Ol owadan tebigaty, kölegeli agaçlary, lotosly howuzlary we özboluşly binagärlik toplumlary bilen meşhurdyr. Kampusda hytaý we günbatar stilindäki binalar utgaşýar. “Forbes” žurnaly tarapyndan 2010-njy ýylda dünýäniň iň owadan uniwersitet kampuskaslarynyň biri hökmünde görkezilipdi.Uniwersitetde 20-den gowrak fakultet we 59-dan gowrak bölüm bar. Olar giň ugurlary öz içine alýar:
Inženerçilik (Engineering)
Ylym (Science)
Gumanitar ylymlar (Humanities)
Sosial ylymlar (Social Sciences)
Hukuk (Law)
Ykdysadyýet we Dolandyryş (Economics and Management)
Lukmançylyk (Medicine)
Sungat we Dizaýn (Arts and Design)
Tsinghua dünýäde inženerçilik we kompýuter ylymlary ugurlary boýunça yzygiderli iň ýokary reýtingleri eýeleýär we uly gözleg taslamalaryny amala aşyrýan merkezdir.
Uniwersitet halkara hyzmatdaşlyga uly ähmiýet berýär. Dünýäniň 290-dan gowrak uniwersiteti we instituty bilen hyzmatdaşlygy bar. Halkara talyplar we mugallymlar üçin dinamik we global uniwersitet gurşawyny döretmäge çalyşýar.Tsinghua Uniwersiteti Hytaýyň syýasat, işewürlik we ylmy ugurlarda köp sanly öňdebaryjylaryny ýetişdirdi. Meselem, Hytaýyň öňki we häzirki prezidentleri, jenap Hu Jintao we jenap Si Szinpin (Xi Jinping) Tsinghua-nyň uçurymlarydyr. Mundan başga-da, Nobel baýragynyň eýeleri we beýleki meşhur alymlar bu uniwersitetde bilim alypdyr.
Tsinghua Uniwersiteti özüniň “Öz-özüňe erk etmek we jemgyýetçilik borjy” şygary bilen, Hytaýyň we dünýäniň ösüşine goşant goşjak ukyply talyplary ýetişdirmegi maksat edinýär.
Döwletow Ybraýym
Halkara senagatçylar we telekeçiler uniwersitetiniň Dil öwreniş bölüminiň 123-nji toparynyň talyby
