Gijeki režim smartfon batareýasyny tygşytlamak üçin peýdasyz bolup çykdy

Perdýu uniwersitetiniň geçiren täze barlagynda telefony gijeki režime
geçirmek, telefonyň energiýa sarp edijiliginiň azalmagyna kömek etmeýändigi
anyklanyldy.
Barlagçylar synaglar üçin alty programmany ulandylar – Kalkulýator, Google
Kalendar, Google Kartalar, Google News, Google Phone we YouTube. Olar baha
bermek üçin Per-Frame OLED Power Profiler (PFOP) atly guraly ulandylar.
Alymlar gijeki režimiň, her programmanyň minut işjeňligine edýän täsirini Pixel 2,
Pixel 4, Pixel 5 we Moto Z3-de synlap gördüler.
Gözlegçiler adaty režimden, 30-50% ýagtylykda işleýän gijeki režime
geçmegiň, synag edilen ähli enjamlarda ortaça 3-den 9% energiýa
tygşytlaýandygyny anykladylar. Elbetde, eger-de doly ýagty ekrandan, gijeki
režime geçsek, onda energiýa tygşytlylyk has köp bolar – 47% -e çenli. Ýöne köp
ulanyjy şeýle hem 100% ýagtylygy ulanmazlygy saýlaýar.