Pekin kinofestiwaly Hytaýda COVID-19 keseliniň täzeden ýaýramagy sebäpli yza süýşürildi

Pekiniň halkara kinofestiwalynyň guramaçylary Hytaýyň köp sebitinde
koronawirus ýokançlygynyň täzeden ýaýramagy sebäpli yza süýşürildi diýip,
festiwalyň resmi WeChat akkauntynda aýdylýar.
"Soňky wagtlarda ýurduň köp ýerinde keseliň ýaýramagynyň ýene-de ýüze
çykandygy sebäpli, ähliumumy howpsuzlygy we saglygy goramak maksady bilen,
ilkibaşda 14-21-nji awgust aralygynda meýilleşdirilýän 11-nji Pekin halkara
kinofestiwaly yza süýşüriler, "-diýip, hasabatda ýazylýar.
Guramaçylar çäräniň näçe wagt yza süýşürilendigini entek aýtmadylar.
Pekiniň halkara kinofestiwaly 2011-nji ýyldan bäri her ýyl Pekin
hökümetiniň, Hytaý media toparynyň(China Media Group), Pekin şäher
kinematografiýa gullugynyň we başga-da birnäçe guramanyň goldamaklary bilen
geçirilýär.