Akyl-paýhas hakynda nakyllar

Akyldan artyk baýlyk ýok, saglykdan gymmat zat ýok.

* * *

Akylla – yşarat, akmaga – kötek.

* * *

Akylla bir söz besdir, akmaga müň söz hebesdir.

* * *

Akylly – getirer, akmak – ýitirer.

* * *

Akylly – öwrener, akmak – öwreder.

* * *

Akylly aşa ýakyn, akmak – daşa.

* * *

Akylly dostuny öwer, kemakyl – aýalyny, samsyk – özüni.

* * *

Akylly gelin öý diker, akmak gelin öý ýykar.

* * *

Akylly haýra hemradyr, akmak – şere.

* * *

Akylly iş – ganatly guş.

Taýýarlan: Döwletmyrat Tejenow,
Türkmen döwlet ykdysadyýet we dolandyryş
institutynyň Maliýe fakultetiniň 2-nji ýyl talyby.