RU
Heläk edýär gamdyr gussa
Ýeke barlygňy bileýin
Ýakynyňda bolup käşgä
Gülüp baksaň ýylgyraýyn
Syrlaşaýyn derdim egsip
Otyrsadym gülüp-degşip
Bir-birege goldaw berşip
Gamlanaňda güldüreýin
Barlygyň dälmidir derman
Dogansyzlar çeker arman
Durmuşy dyngysyz saýman
Hossarlygmy bildireýin
Siz barkaňyz köşk bor külbe
Diňe hoş söz dolýar dilme
Hiç özüňe ýeke diýme
Ýeke däl men diýdireýin
Kyn däl-ä käte görüşmek
Ýagşy ýamanda baryşmak
Az pursatdyr menzil aşmak
Didarlamyz gandyraýyn
Her bir ynsan öz ýerinde
Ýöne dogan duz ýerinde
Hiç zat bolmaz duz deregne
Mydam bagta çoýduraýyn
Öwezowa Bilbil,
Döwletmämmet Azady adyndaky TMDDI-niñ GDE fakultetiniň 5-nji ýyl talyby
