RU
Jewel Changi Airport (Jewel) Singapuryň meşhur Çangi Howa Menziliniň golaýynda ýerleşýän, diňe bir transport nokady bolman, eýsem, özbaşdak ýapyk tebigat, söwda we dynç alyş merkezi hökmünde dizaýn edilen üýtgeşik binadyr. Ol, howa menziliniň myhmanlaryna we ýerli ýaşaýjylara dünýäniň ähli künjegindäki howa menzilleriniň arasynnda deňi-taýy bolmadyk tejribäni hödürleýär.Jeweliň dizaýny meşhur Kanadaly-Yraklı arhitektor Moşe Safdie (Moshe Safdie) tarapyndan edilipdir.Binanyň iň meşhur aýratynlygy onuň ägirt uly, halka şekilli aýna gümmezidir. Bu gümmez diýseň çylşyrymly bolup, ýagtylygy we howany içki meýdança geçirýär, binanyň içinde tebigy ösümliklere mümkinçilik döredýär.Jeweliň esasy maksady Çangi howa menzilini diňe bir geçelge nokady däl-de, eýsem, myhmanlaryň ýörite baryp görmek isleýän turistik merkezi hökmünde ösdürmek bolupdy.Jewel-i dünýä derejesine çykaran esasy aýratynlyk — bu onuň merkezinde ýerleşýän Rain Vortex . Bu 40 metre golaý beýiklikdäki suw akymy, dünýäde iň uly ýapyk şaglawuk hasaplanýar.Şaglawuk gümmeziň merkezinden aşakdaky basgançakly howza akýar. Ol, Singapuryň tropiki ýagyşly klimatynda gümmezde ýygnanan ýagyş suwlaryny toplamak üçin inženerçilik taýdan çözüw hökmünde dizaýn edilipdir.
Gijelerine, Rain Vortex dürli reňkli yşyklar we ses effektleri bilen bezelip, myhmanlar üçin täsirli yşyk we suw tomaşasyny (Light and Sound Show) hödürleýär.Jewel-iň beýleki bir möhüm bölegi bolsa, şaglawugyň daş-töwereginde ýerleşýän dört gatly, gök zolakly Forest Valley (Şiýok Köwşegi) ýa-da Tokaý Jülgesidir. Bu ýapyk tokaýda Singapuryň tropiki klimaty üçin mahsus bolan müňlerçe agaç we ösümlik ýerleşdirilipdir. Bu, howa menziliniň merkezinde dynç almagy we tebigat bilen birleşmegi isleýänler üçin ekologiki ýerdir.Myhmanlar bu ýerde gezelenç edip, dynç alyp bilýärler, hatda Şahyrlar Jülgesi (Shiseido Forest Valley) ýaly aýratyn sebitlerde dynç alyş nokatlary hem bar.Jewel diňe bir tebigat däl-de, eýsem, birnäçe başga-da gyzykly nokatlary öz içine alýar.Iň ýokary gatda ýerleşýän bu parkda myhmanlar üçin aýna polly köprüler (Canopy Bridge), labirintler we beýleki oýun meýdançalary ýerleşýär.Ol meşhur halkara we ýerli brendleriň ýerleşýän 300-den gowrak söwda we azyk dükany bilen doludyr.
Jewel, Çangi Howa Menziliniň 1, 2 we 3-nji terminalyna göni birleşýär we howa menziliniň myhmanlary üçin dynç alyş zolagy hökmünde hyzmat edýär.
Jewel Changi Airport – inženerçilik, tebigat we hyzmatyň birleşip, adaty howa menzili düşünjesini düýpgöter üýtgeden, hakykatdan-da täsin gurluşdyr.
Baýlyýewa Täzegül
Halkara senagatçylar we telekeçiler uniwersitetiniň Dil öwreniş bölüminiň 103-nji toparynyň talyby
