RU
Alp daglarynyň etegindäki köl kenarynda ýerleşýän, ertekilerdäki ýaly oba.Hallştat — Awstriýanyň Ýokary Awstriýa welaýatynyň Gmunden etrabynda, Alp daglarynyň eteginde, Hallştatter Sýo (Hallstätter See) kölüniň günorta-günbatar kenarynda ýerleşýän kiçijik, ajaýyp obadyr. Dachstein massiwindäki dik eňňitler bilen köl kenarynyň arasynda ýerleşen bu oba, öz tebigy gözelligi we taryhy ähmiýeti bilen bütin dünýäde meşhurdyr.Hallştat obasy Hallştatt-Dachstein/Salzkammergut Medeni Landşafty ady bilen 1997-nji ýylda UNESCO-nyň Bütindünýä mirasynyň sanawyna girizildi.
Oba beýik daglar we aýnadan arassa köl bilen gurşalyp, Norwegiýanyň fiordlaryny ýatladýan täsirli görnüşi döredýär. Pastel reňkli, adaty Alp arhitekturasyndaky jaýlar, kölüň üstünde öz şekillerini görkezýärler.Obanyň merkezi — köne, ýalpyldawuk jaýlar bilen gurşalan kiçijik we ajaýyp meýdança.Obanyň golaýynda, Dachstein massiwinde, buz heýkelleri we doňan şarlawuklar bilen doly ulgamy emele getirýän uly buz gowaklary bar.
Hallştat diňe bir gözel tebigaty bilen däl, eýsem gaty baý we gadymy taryhy bilen hem tapawutlanýar.
Hallştatda duz çykarmak işi b.e. öňki II müňýyllykdan bäri dowam edýär. Bu ýerde dünýäniň iň gadymy duz magdany (Salzwelten) ýerleşýär. Duz, bu sebitiň uzak wagtlap gülläp ösmeginiň esasy çeşmesi bolupdyr.
Hallştat medeniýeti oba, b.e. öňki 800-450-nji ýyllarda irki Demir asyryna degişli bolan bütin Ýewropanyň arheologiki medeniýetine – Hallştatt medeniýetine adyny berdi. Bu ýerden tapylan zynatly we baý mazarlar şol döwrüň baýlygyndan we ösen söwda ulgamynyň bardygyndan habar berýär.Bu muzeý sebitiň gadymy taryhyny, esasanam duz söwdasyndaky roluny görkezýän Hallştat medeniýetine degişli köp sanly arheologik tapyndylary öz içine alýar.Obanyň kiçijik bolmagy we mazarlyklar üçin ýeriň ýetmezçiligi sebäpli, köne süňkler her on ýyldan gazylyp alynyp, Kelle Çekilen Jaýa (Charnel House) goýlupdyr. Bu, ölenleri ýatlamak üçin kellesini ýörite bezemek ýaly aýratyn dessury saklaýan dünýäde seýrek ýerleriň biridir.Obada köli we daglary ajaýyp görkezýän Katolik ybadathanasy we Ýewangelist ybadathanasy ýerleşýär.Hallştat– Awstriýanyň iň meşhur syýahatçylyk nokatlarynyň biridir.Obanyň iň meşhur suratlaryny düşürmek üçin Hallştattyň daşyndan ajaýyp görnüş açylýan ýer bar.
Kölüň üstünde gaýykda gezmek, töwerekdäki daglarda gezelenç etmek, Duz Magdanlaryna aýlanmak we Dachstein gowaklaryna baryp görmek iň ýörgünli aktiwiýetlerdir.
Hallştat hakykatdanam Alp daglarynyň ýüreginde ýerleşen, taryhy kökleri gadymy döwürlere uzalyp gidýän we häzirki zaman syýahatçylary üçin ýatdan çykmajak tebigy we medeni gözelligi hödürleýän ertekilerdäki ýaly obadyr.
Ýaz (Aprel – Maý): Howa ýakymly, syýahatçylaryň sany tomusdaky ýaly köp däl. Täze güller we ýaşyl ösümlikler obany bezäp, ajaýyp görnüş döredýär.Käbir dag gezelenç ýollary henizem ýapyk bolup biler.
Tomus (Iýun – Awgust):Iň ýyly howa we iň uzak günler. Bütün aktiwiteler (gämi gezmeleri, Duz Magdanlary, Dachstein gowaklary) doly açyk.Iň köp syýahatçylyk möwsümi. Oba gaty dykynly bolýar we ýaşaýyş jaýlarynyň bahasy ýokary.
Güýz (Sentýabr – Oktýabr):Howa salkyn, ýöne parahat. Agaçlaryň reňkleri gyzyl we sary reňklere öwrülýär, bu bolsa ajaýyp peýzažy döredýär. Syýahatçylaryň sany azalýar.
Gyş (Noýabr – Mart):Gar bilen örtülen Hallştatt hakyky ertekilerdäki ýaly görnüşi emele getirýär. Köp däl syýahatçylyk. Aýratyn atmosfera.Käbir gatnawlar we gämi gezmeleri çäklendirilip ýa-da ýatyrylyp bilner. Gaty sowuk bolýar.
Orazow Jeýhun
Halkara senagatçylar we telekeçiler uniwersitetiniň Dil öwreniş bölüminiň 105-nji toparynyň talyby
