RU
Web dizaýny – bu, web sahypalarynyň (website) daşky görnüşini, duýgusyny (estetikasyny) we ulanylyşyny (funksionallygyny) döretmek prosesidir. Ol diňe bir gözellik däl, eýsem, ulanyjy tejribesi (User Experience – UX) we peýdalanyjy interfeýsi (User Interface – UI) arkaly hyzmaty ýa-da maglumaty peýdalanja iň amatly we ýakymly ýetirmegi maksat edinýän köpugurly hünärdir.
Web dizaýny üç esasy bölegi öz içine alýar:
1. Ulanyjy Tejribesi (UX – User Experience)
UX – bu, ulanyjynyň web sahypasyny ulanmakdaky umumy duýgularyny we tejribesini aňladýar.Sahypanyň aňsat navigasiýa edilmegini, maglumatlaryň ýeňil tapylmagyny we ulanyjynyň sahypada oňaýly hereket etmegini üpjün etmek.
2. Peýdalanyjy Interfeýsi (UI – User Interface)
UI – bu, web sahypasynyň ähli wizual elementlerini, ýagny düwmeleri, şriftleri, reňk palitrasyny, suratlary we umumy dizaýn estetikasyny öz içine alýar. Gözüň ýadamagyna sebäp bolmaýan, markanyň stiline laýyk gelýän we ulanyjynyň ünsüni esasy nokatlara çekýän vizual gurşawy döretmek.
3. Funksional Dizaýn (Functional Design)
Bu, sahypanyň tehniki taýdan dogry işlemegini we ähli enjamlarda (kompýuter, telefon) durnukly görünmegini üpjün edýär.
Jogap beriji Dizaýn (Responsive Design)
Bu, web sahypasynyň ekranyň ululygyna (kompýuter, planşet, smartfon) awtomatiki uýgunlaşmagyny we ähli enjamlarda gowy görünmegini aňladýan esasy ýörelgedir.Häzirki wagtda interneti ulanýanlaryň aglabasy mobil enjamlary ulanýandygy sebäpli, bu ýörelge örän möhümdir.
Minimalizm (Minimalism/Flat Design)
Dizaýnda artykmaç bezeglerden, kölegesiz we çylşyrymly elementlerden gaça durmak. Esasy üns boş ýerlere (White Space), aýdyň şriftlere we ýönekeý görnüşlere berilýär.Sahypanyň arassalygyny, aňsat okalyşyny we ýüklenişiniň tizligini üpjün edýär.
Markanyň taryhyny ýa-da önüminiň ähmiýetini ýetirmek üçin uly, ýokary hilli suratlar, wideo fonlar we interaktiw animasiýalar ulanmak.Ulanyjynyň emosional gatnaşygyny döretmek we markanyň ýadyna düşmegini ýokarlandyrmak. Köp ulanyjylar, esasan-da gije we güýçli yşykda, gözüni ýadatmazlyk üçin sahypalary garaňky reňklerde görmegi saýlaýarlar. Dizaýnerler sahypalaryň ikinji garaňky dizaýn wersiýasyny teklip edýärler.Netijeli web sahypasyny döretmek üçin aşakdaky bäş esasy göz öňünde tutulmalydyr. Dizaýn şol maksada ýetmäge gönükdirilmelidir.Sahypanyň ähli sahypalarynda we bölümlerinde reňkler, şriftler we düwme stilleri yzygiderli bolmalydyr.Sahypanyň ýükleniş tizligi (Loading Speed) UX üçin iň wajyp parametrdir. Dizaýn elementleri tizligi peseltmeli däldir.Maglumatlar gaty aňsat we çalt kabul edilmeli. Ulanyjy, sahypa gelenden soň 5 sekundyň içinde onuň näme bilen meşgullanýandygyny gòrkezÿàr.Sahypa dürli ukyby bolan adamlara (mysal üçin, reňk körligi bolanlar, ekrany seslendirýän programmany ulanýanlar) elýeterli bolmalydyr.
Web dizaýny – bu, tehnologiýany we sungaty birleşdirýän, yzygiderli üýtgeýän pudakdyr. Onuň esasy maksady – peýdalanyjynyň isleglerini kanagatlandyrmak we markanyň sanly gurşawda iň gowy keşbini döretmek.
Şalarow Süleýman
Halkara senagatçylar we telekeçiler uniwersitetiniň Dil öwreniş bölüminiň 107-nji toparynyň talyby
