Syýahatçylyň taryhy

Syýahatçylyk sözi ilkinji gezek 1811nji ýylda Angliýada neşir edilýän žurnallaryň birinde ulanylýar. Soň bu söz has köp ulanylyp başlaýar we uly meşhurlyga eýe bolýar. Ýewropada 1845nji ýylda ilkinji gezek toparlaýyn edilýän syýahat Tomas Kuk tarapyndan gurnalýar.

Syýahatçylyk bu bir sebite gelýänleri özüne çekmek üçin görülýän ykdysady, medeni, tehniki çäreleriň we gözlegleriň hemmesi, dynç almak, hezil etmek, görmek we tanamak üçin edilen syýahatdyr. Syýahatçylyk syýahaty diňe bir ýerden başga bir ýere syýahat etmek bilen çäklenmän, medeni, ykdysady we sosial taýdan hem aragatnaşyk saklaýar. Syýahatçylygyň kömegi bilen adamlar durmuşa, dürli sebitlerden, ýaşaýan sebitiniň daşyndaky beýleki ýurtlaryň gözelliklerine we adamlaryň galdyran medeni mirasyna göz ýetirýärler.

Geçmişde diňe baý adamlar tarapyndan amala aşyrylan bu syýahatlar transport desgalarynyň (tizlik, rahatlyk we howpsuzlyk ýaly) yzygiderli ösmegi we jemgyýetçilik ösüşleri ýagny myhmanhanalar, düşelgeler, dynç alyş meýdançalarynyň sany köpeldi. Syýahatçylyk zolaklarynyň köpelmegi hemmelere dynç almaga mümkinçilik berýär.

Myhmanhanalar, umumy ýaşaýyş jaýlary, restoranlar we dynç alyş ýerleri, güýmenje meýdançalary, sport desgalary syýahatçylaryň ýaşamagy we dynç almagy üçin gurlan syýahatçylyk guramalarydyr. Bu edaralaryň sany, amatlylygy, işgärleriniň dostlugy we bu ýerlere elýeterliligi syýahatçylaryň akymyny artdyrýar. Syýahatçylygy artdyrýan başga bir faktor, taryhy ýadygärlikleriň köp bolmagydyr. Köne şäher harabalyklary, meşhur ýadygärlikler (metjitler, ybadathanalar, açyk asmanda teatrlar, muzeýler we ş.m.) hemişe adamlaryň ünsüni özüne çekýär. Bulardan başga-da, tebigy gözellikler hem möhüm gyzyklanma çeşmesidir. Bütindünýä Syýahatçylyk Guramasy (UNWTO) syýahatçylyk girdejileriniň her ýyl 4% ýokarlanýandygyny mälim edýär.

Gurbanowa Nurşat

Medeniýet institutynyň 3-nji ýyl talyby