RU
Bedenterbiýe we sport Türkmenistanyň döwlet syýasatynyň ileri tutulýan ugurlarynyň biri bolup, ol diňe bir fiziki sagdynlygy däl, eýsem, jemgyýetiň ruhy-ahlak taýdan kämilleşmegine, ýaş nesliň maksadaokgunly ýetişmegine gönükdirilendir. Sport, hakykatdan-da, geljege alyp barýan ýoldur.
Türkmenistanda sport hereketiniň giň gerim almagy, iň esasy, milletiň saglygyny berkitmäge hyzmat edýär. Ýurduň ähli welaýatlarynda döwrebap enjamlar bilen üpjün edilen köpugurly sport toplumlarynyň, stadionlaryň, sport mekdepleriniň gurulmagy 7 ýaşdan 70 ýaşa çenli raýatlaryň sportuň islendik görnüşi bilen meşgullanmagyna giň mümkinçilikler döredýär. Sagdyn durmuş ýörelgesiniň dabaralanmagy, ynsanlaryň beden we ruhy taýdan sazlaşykly ösüşini üpjün edýär.
Türkmenistanyň sporty ösdürmekdäki tagallalary öz aýdyň netijelerini berýär. Türkmen sport ussatlary halkara ýaryşlarda yzygiderli üstünlik gazanyp, ýurdumyzyň baýdagyny belende galdyrýarlar.Aşgabatdaky Olimpiýa şäherçesi we beýleki dünýä ölçeglerine laýyk gelýän sport desgalary, iri halkara ýaryşlary, mysal üçin, Ýapyk binalarda we söweş sungaty boýunça V Aziýa oýunlaryny ýokary derejede geçirmäge mümkinçilik berdi.Bu ýaryşlaryň üstünlikli guralmagy Türkmenistanyň dünýäde sport döwleti hökmünde abraýyny has-da ýokarlandyrdy.
Sport diňe bir ýaryş däl, eýsem, halklaryň arasyndaky ynanyşmagy, dostlugy we parahatçylygy berkarar etmegiň hem güýçli serişdesidir. Türkmenistan halkara sport hyzmatdaşlygyny giňeltmäge uly üns berýär.
Sport taglymaty ýaşlaryň arasynda halkara hyzmatdaşlygy ösdürýär, olaryň dünýä ýüzündäki deň-duşlary bilen tejribe alyşmagyna ýardam edýär.
Sport, milletiň geljegi üçin esasy maýa goýum bolup durýar. Ol sagdyn, ruhubelent, maksadaokgunly we kämil nesli ýetişdirmegiň iň netijeli ýoludyr.
Hojamgulyýew Mälikguly
Halkara senagatçylar we telekeçiler uniwersitetiniň Dil öwreniş bölüminiň 111-nji toparynyň talyby
