RU
Sport – bu diňe bir ylgamak, ýaryşmak ýa-da top oýnamak däl. Sport, biziň ruhumyzy beýgelýän, kalbymyzy arassalaýan we dünýäni birleşdirýän umumadamzat gymmatlygydyr.Sport meýdançasy – bu halklaryň we medeniýetleriň duşuşýan ýeri. Bu ýerde hasap we ýeňişden has ähmiýetli zatlar bar.Sport ýaryşlary, dünýäniň dürli künjeginden gelen adamlary bir maksadyň daşynda jemleýär. Olar garşydaş bolsalar-da, ýaryş gutarandan soň bir-birine hormat goýýarlar, ellerini gysýarlar. Bu, syýasata ýa-da serhetlere bagly bolmadyk, arassa we çynlakaý dostlugyň dörän pursatydyr.
Sport – bu mert gatnaşyklaryň mekanydyr. Ýeňiş gazanmak üçin galplyk etmek däl-de, gaýtam, düzgünlere eýermek, garşydaşyňy sylaýp, ýykylyp galanyna kömek etmek, sportuň esasy ýörelgesidir. Bu ýörelge adamyň durmuşda hem halal we dogruçyl bolmagyny öwredýär.Olimpiýa oýunlary, Aziýa oýunlary ýaly uly sport çäreleri adamzadyň parahatçylyk isleginiň aýdyň mysalydyr. Bular halkara hyzmatdaşlygy we özara düşünişmegi güýçlendirýär.Sport, ýaşlarymyzyň fiziki we ruhy taýdan sagdyn ösmegine ýardam edýär. Sagdyn bedenli, maksatly we ruhubelent ýaşlar bolsa, öz Watanynyň we tutuş dünýäniň abadançylygyny gurujy esasy güýçdür.
Sport, adamyň gündelik durmuşyna özboluşly duýgy we many berýär.Fiziki işjeňlik endorfinleriň (bagt gormonlarynyň) bölünip çykmagyna sebäp bolup, adamyň durmuşdan lezzet almagyny artdyrýar. Ol stresden we negatiw duýgulardan dynmaga kömek edýär.Türgenleşikleriň yzygiderliligi, özüňe erk etmegi öwredýär. Kiçijik ýeňişler we goýlan maksatlara ýetmek, adamyň özüne bolan ynamyny ýokarlandyrýar we oňa durmuşyň kynçylyklaryny ýeňip geçmäge kömek edýär.Sport bilen meşgullanmak adamyň ýaşyna garamazdan, oňa güýç-kuwwat we energiýa berýär. Sagdyn durmuş ýörelgesini saklamak, uzak we bagtyýar ömür sürmegiň esasy şertidir.
Sport – bu ynsan ruhunyň beýikligini, dostlugyň gymmatyny we sagdyn durmuşyň lezzetini görkezýän bir aýnadyr. Ol diňe bir medal üçin däl, eýsem, ýaşamagyň hakyky manysyny duýmak üçin möhümdir.
Aşyrow Eziz
Halkara senagatçylar we telekeçiler uniwersitetiniň Dil öwreniş bölüminiň 112-nji toparynyň talyby
