Azerbaýjanda Tebigat Söýüjiler Üçin Açyk Howada Syýahatçylygyň Jenneti

​”Alaw Ýurdy” diýlip atlandyrylýan Azerbaýjan, 9 sany esasy howa zolagynyň hemmesini özünde jemleýän seýrek ýurtlaryň biridir. Bu tebigy köpdürlülik, daglyk ýerlerden subtropiki tokaýlara we palçyk wulkanlaryna çenli uzalyp gidýän, açyk howada syýahatçylygyň dürli görnüşlerini hakyky başdan geçirmäge mümkinçilik berýär.

​Uly Kawkaz Daglary Azerbaýjanyň demirgazygyndan geçip, iň haýran galdyryjy gezelenç we beýige çykyş marşrutlaryny hödürleýär.Bu gadymy dag obalaryna golaý ýerler, tebigy we medeni miras bilen utgaşýan trekking üçin meşhurdyr. Xynalyg obasynyň daş-töweregi, ýokary daglyklaryň ajaýyp peýzažlaryny görkezýär.Ýurduň iň uly milli seýilgählerinden biri bolup, dürli kynçylyk derejeli haýking ýodalaryny hödürleýär. Bu ýer ýabany haýwanlary we seýrek ösümlik dünýäsini görmek üçin ideal.Azerbaýjan dünýäde iň köp palçyk wulkanlarynyň ýerleşýän ýeri hasaplanýar. Bu tebigy hadysa gezelenç we ekologiki syýahatçylyk üçin täsin bir ýerdir.

Bakuwden golaýda ýerleşýän bu wulkanlar, geýzer ýaly çykýan salkyn palçyklary bilen meşhurdyr. Bu ýer, UNESCO-nyň Bütindünýä Mirasy Sanawyna giren golaýyndaky daş heýkeller we petroglifler bilen birleşip, taryhy we tebigy syýahaty birleşdirýär. Palçyk wulkanlaryna golaýda gezelenç etmek, Ýer planetasynyň geologiki proseslerini ýakyndan görmek üçin seýrek mümkinçilik berýär.Daglardan akyp gelýän derýalar we Gündogar Kawkazyň suw howdanlary suw bilen baglanyşykly işjeň dynç alyş görnüşlerini hödürleýär.Ýurduň käbir derýalarynda, esasanam ýaz aýlarynda, rafting (akym boýunça gaýykda aşak inmek) we kayaking ýaly sport görnüşleri bilen meşgullanmak mümkin.Köniýaz daglarynyň arasynda ýerleşýän bu owadan köli, arassa suwy we töweregindäki tebigy seýilgähi bilen tanalýar. Bu ýerde dynç almak, gezelenç etmek we çäre guramak amatly.Taryh boýunça atçylyk däbi güýçli bolan Azerbaýjanda, açyk howada atly syýahatçylyk has-da meşhurdyr.

​ Şäherlerden daşda, giň meýdanlarda we dag eteklerinde atly gezelençler guralýar. Bu, ýurduň tebigatyny has gowy duýmak we ýerli ýaşaýyş durmuşy bilen tanyşmak üçin ajaýyp ýol. Şeki sebitleri bu görnüşli syýahatlar üçin has amatlydyr.

​Azerbaýjan, özüniň üýtgeşik howa şertleri we landşaftlary bilen, adwentura (başdan geçirme) we ekotourism (ekosyýahatçylyk) isleýän her bir syýahatçy üçin bir zat hödürleýär. Bu ýurtda, ulgamyň we şäheriň gowgasyndan daşda, tebigat bilen ýekebara galmak mümkinçiligi bar.

Hudaýnazarowa Aýnabat

Halkara senagatçylar we telekeçiler uniwersitetiniň Dil öwreniş bölüminiň 113-nji toparynyň talyby