Ýaş Nesliň Zehini

Häzirki döwürde ýaş döredijiler sungatyň we edebiýatyň çäklerini giňeldýärler. Olar diňe bir döredijilik gurallaryny däl, eýsem, temalaryny we garaýyşlaryny hem täzeleýärler.

Ýaşlar üçin wideo-art, 3D modelirleme we hereketlendirilen grafika (motion graphics) adaty reňkli düşekden (polotnadan) has möhüm gurallar bolup durýar.Sungat eserleriniň NFT (Non-Fungible Token) görnüşinde satylyp başlanmagy bilen, ýaşlar öz eserlerini bütin dünýäde gös-göni satyp, sungat bazarynyň ýüzüni üýtgetdiler. Bu, döredijiligiň dolandyrylyşyny ýaşlaryň eline berýär.

Köçelerde, seýilgählerde ýa-da gaty özboluşly ýerlerde geçirilýän çykyşlar (performance) arkaly, ýaşlar sosial meselelere ünsi çekmegi gowy görýärler. Sungat diňe seretmek üçin däl, eýsem, gatnaşmak üçin hem bolýar.Klimat üýtgemegi, gender deňligi, migrantlaryň meseleleri ýaly global sosial we ekologiýa temalary, ýaşlaryň döredijiliginiň merkezine öwrülýär.”Twitter” ýa-da “Instagram” ýaly platformalarda gysga, täsirli goşgular we proza bölekleri (mikro-hekaýalar) bilen ýaşlar, edebiýatyň kabul ediliş tizliklerini üýtgetdiler. Tiz okalýan, çuňňur duýgy berýän eserler moda boldy.Şahsy durmuş we jemgyýet baradaky garaýyşlar indi diňe kitaplarda däl, eýsem, wideo bloglarda (vlog) ýa-da bloglarda ýerleşdirilýär. Bu, edebiýaty has açyk we ýakyn edýär.

​ Adaty žanrlaryň arasyndaky çäkler ýuwaş-ýuwaşdan ýitýär. Fantastika, taryh we şahsyýet psihologiýasy bir eseriň içinde garyşdyrylyp, has çylşyrymly we gyzykly dünýäleri döredýär.Ýaş awtorlar adaty edebi düzgünleri (kanonlary) gaýtadan gözden geçirip, formalary azat edýärler.Häzirki zaman ýaş edebiýaty, şahsy kynçylyklara, psihiki saglyk meselelerine (depressiýa, aladalanma) we öz-özüňi tapmak prosesine çuňňur üns berýär. Bu, okyjylara özlerini kabul etmekde kömek edýän ýaly täze ugur.

Ýaş döredijiler tehnologiýany we sosial meseleleri öz döredijiliklerinde örän ussatlyk bilen birleşdirýärler. Olar diňe bir dörediji däl, eýsem, öz döwrüniň aktibistleri (hereket edijileri) hökmünde çykyş edýärler.Ýaşlaryň bu täze ugurlaryny goldamak, medeniýetiň ösmegi we täzelenmegi üçin esasy şertdir.

Öwezmämmedow Gurbanmyrat

Halkara senagatçylar we telekeçiler uniwersitetiniň Dil öwreniş bölüminiň 116-njy toparynyň talyby