Taryhdan Geljege Barýan Ýol

​”Taryhdan Geljege” diýen sözler Türkmenistanyň döwlet syýasatynyň we milli aňyýetiniň esasyny düzýär. Bu, diňe bir taryhy wakalary ýatlamak däl, eýsem, ata-babalarymyzyň baý mirasyny häzirki zamanyň ösüşleri bilen birleşdirip, Garaşsyz, Bitarap Türkmenistanyň röwşen geljegini gurmaklygy aňladýar. Taryh — biziň kimdigimizi görkezýän aýna bolsa, geljek — biziň şol taryhy binýatda nähili beýik binalar gurýandygymyzdyr.

Türkmen topragy — beýik siwilizasiýalaryň mekanydyr. Biziň taryhymyz ýöne bir wakalaryň jemgyýeti däl, eýsem, ykdysady, medeni we ylmy ösüşiň çeşmesidir. Türkmenistan “Gadymy Gündogaryň” we “Kerwen Ýolunyň” ýüregi bolupdyr. Nusaý, Merw, Köneürgenç ýaly taryhy merkezler ylymyň, medeniýetiň we söwdanyň gülläp ösen ýerleri bolupdyr. Bu ýadygärlikler bu günki gün UNESCO-nyň Bütindünýä Mirasy Sanawyna girizilendir we türkmen taryhynyň dünýä medeniýetine goşan goşandyny tassyklaýar.Türkmen halkynyň taryhynda Oguz han we Görogly ýaly eposlary, Seljuklar we Beýik Türkmen imperiýalary bilen bagly wakalar halkyň jebisligini, gaýduwsyzlygyny we Watançylyk duýgusyny kemala getiripdir.

​Garaşsyzlyk alnandan soň, Türkmenistan taryhy mirasyny diňe gorap saklaman, eýsem ony döwlet syýasatynyň esasyna öwürdi.Milli baýramçylyklar, däp-dessurlar, milli lybaslar we aýdym-saz (dutar we bagşyçylyk) ýaly medeni gymmatlyklar döwlet derejesinde goldaw tapdy we galkyndyryldy.Türkmenistan taryhy öwrenmäge we halkara ylmy hyzmatdaşlyga uly ähmiýet berýär. Bu, biziň taryhymyzyň hakyky ýüzüni we dünýä medeniýetine goşan goşandyny açmaga mümkinçilik berdi.”Taryhdan Geljege” geçiş, häzirki döwürde milli mirasymyzy geljegi gurmak üçin ulanyp bilýändigimizi görkezýär.

Häzirki zaman Türkmenistanyň ösüşi ylma, bilime we sanly tehnologiýalara esaslanýar. Magtymguly Pyragynyň paýhasy ýa-da Seýitnazar Seýdi ýaly şahsyýetleriň Watançylyk ruhy, ýaş nesil üçin ylymda we döredijilikde täze maksatlara ýetmek üçin ruhlandyryjy çeşmedir.Türkmenistanyň Hemişelik Bitaraplyk statusy taryhymyzdan miras galan parahatçylyk söýüjilik we goňşuçylyk ýörelgeleriniň dowamydyr. Bu ýörelge, biziň geljekde hem goňşy ýurtlar we dünýä bileleşigi bilen dostlukly gatnaşyklary saklajakdygymyzyň binýadydyr.Kerwen Ýolunyň taryhy tejribesine daýanyp, Türkmenistan indi “Uly Ýüpek Ýolunyň täzeden dikeldilmegi” ýaly ägirt uly logistik we ulag proýektlerini durmuşa geçirýär. Bu, ýurduň geosyýasy we ykdysady mümkinçiliklerini geljege gönükdirýär.

Taryhdan Geljege — bu aňly, maksatnamalaýyn hereketdir. Türkmen halky geçmişinden ruhlanýar, ata-babalarynyň paýhasyny özüne siňdirýär we şol gymmatlyklary häzirki zaman innowasiýalary bilen utgaşdyryp, Berkarar döwletimizi has-da belent sepgitlere çykarýar. Taryhy miras — biziň ebedi ruhy çeşmämiz, röwşen geljek bolsa, bu çeşmäniň esasynda guruljak bagtyýar durmuşymyzdyr.

Ýuldaşowa Şirin

Halkara senagatçylar we telekeçiler uniwersitetiniň Dil öwreniş bölüminiň 117-nji toparynyň talyby