RU
Tebigat, diňe bir dört pasyldan ybarat bolman, eýsem döwran edýän, ýene-de gaýtalanýan çylşyrymly bir durmuş dessanydyr. Her bir pasyl, ýaşaýşyň ähmiýetli bir döwrüni we onuň manysyny aňladýar.
Bahar – Durmuş aýlawynyň başlangyjy we iň güýçli energiýa döwrüdir.Uzak gyş dymşygyndan soň, toprak ýylylygy özüne siňdirýär. Ösümlikler ýene-de gögerýär, agaçlar gül açýar, guşlar yzyna dolanýar we haýwanlar gyşky ukudan oýanýar. Bu döwür, tebigatyň ýaşaýyş güýjüniň iň ýokary derejesini görkezýär.Bahar, täze taslamalara başlamak, maksat goýmak we köne zatlary yzda galdyrmak döwrüdir. Ol umydy, innowasiýany we täzelenmegi simwolizleýär.
Tomus – güýç we berekediň, Gün energiýasynyň iň ýokary derejesiniň döwrüdir.
Ösümlikler doly ösýär, miweler ýetişýär, hasyl ýygnalýar. Günler uzyn we yssy bolany üçin, durmuşyň her bir pursady dolulygyna ýaşaýar. Bu, hereketiň, önümçiligiň we doly kemala gelmegiň paslydyr.Tomus, irki tagallalaryň netijesini görmek döwrüdir. Ol şatlygy, dynç alşy we bagtyň lezzetini duýmagy aňladýar. Bu, tejribeleri ýygnamak we durmuşyň iň ýagty pursatlaryny ýatda saklamak döwrüdir.
Güýz – berekediň we öwrülişigiň möhüm döwrüdir.
Hasyl ýygnalýar, miweler ýetýär. Agaçlaryň ýapraklary gyzyl, sary we altynsow reňklere boýalyp, öz tebigy gözelligini görkezýärler. Bu, tebigatyň özüni dynç alşa taýýarlaýan döwrüdir. Energiýa saklanýar, kökler güýçlenýär.Güýz, ýygyndy (hasyl) alyş döwrüdir. Bu, durmuşda eden hereketleriňi seljermek, netije çykarmak we bolşy ýaly kabul etmekdir. Güýz paýhasy, minnetdarlygy we tebigy aýrylyşmany simwolizleýär.
Gyş – tebigatyň dynç alýan, ýöne içerki güýjüni artdyrýan iň dymyk paslydyr.
Görünýän ýüzünde durmuş togtan ýaly. Garlar ýaýrap, topragy sowukdan goraýar. Ýöne hakykatda, tohumlar topragyň aşagynda ýa-da agaçlaryň köklerinde indiki bahar üçin energiýa toplap, içerki taýýarlyk geçýärler.Gyş, ýylyň iň gysga we gowy ýagtylandyrylan pursatlarynda öýde we maşgalada ýylylygy tapmak döwrüdir. Bu, özüňi bilmek, ruhy ösüş we dynç almak üçin iň amatly pursatdyr. Gyş, geljekki janlanma (bahar) üçin zerur bolan dymşygyň we sabryň paslydyr.
Baharyň janlanmagyndan Gyşyň dymşygyna çenli bolan durmuş aýlawy, tebigat biziň durmuşymyzda-da hemişe üýtgeşmeleriň we täzelenmeleriň zerurdygyny öwredýän iň esasy dersdir. Durmuş döwranynda her bir döwür öz gözelligine we manysyna eýedir.
BErdiýewa Aýşat
Halkara senagatçylar we telekeçiler uniwersitetiniň Dil öwreniş bölüminiň 120-nji toparynyň talyby
