RU
Täzeliklere gurşalan diýar diýen jümle diňe bir owadan sözler däl-de, eýsem şu günüň Türkmenistanynyň hakyky keşbidir. Her ädimde bir täsinligiň garşy alýan bu mukaddes topragynda geçmişiň sarsmaz mirasy bilen geljegiň döwrebap tehnologiýalary üýtgeşik bir sazlaşygy emele getirýär.
Türkmenistanyň iň täze täsinligi diýlip, döwrebap Arkadag şäherini aýtmak bolar. Bu ýerde her bir ädim sanly ulgam bilen utgaşýar.Elektroulaglar we «akylly» öýler tebigaty goramagyň täze nusgasydyr. Şäheriň her bir binasy milli nagyşlar bilen döwrebap dizaýnyň utgaşmasyndan dörän sungat eseridir.
Aşgabat — diňe bir şäher däl, eýsem ak mermeriň owazydyr. Dünýäde iň köp ak mermerli binalaryň jemlenen şäheri hökmünde Ginnesiň rekordlar kitabyna giren paýtagtymyzda:
Bagt köşgi: Nikalaşýan ýaşlaryň iň söýgüli mekany bolan bu bina, ýokardan seredeniňde äpet bir ýyldyzyň içindäki ýer şaryny ýatladýar.
Türkmenistanyň her ädimindäki täsinlikler diňe bir binalar bilen çäklenmeýär. Tebigatymyzyň özi iň uly mozaikadyr:
Garagum çölüniň «Alawy»: Garabogazda ýerleşýän we dünýäniň iň täsin ýerleriniň biri hasaplanýan gaz krateri.
Köýtendagyň dinozawrlary: Bu ýerdäki «Dinozawrlaryň aýak yzlarynyň platosy» bizi millionlarça ýyl yza — taryhyň iň gadymy gatlaklaryna alyp gidýär.
Ýangygala kanyonlary: Tebigy reňkleriň we gaýalaryň geň galdyryjy keşbi bu ýeri Mars planetasynyň bir bölegine meňzetýär.
«Täzeliklere gurşalan diýar» diýmek, geçmişi unutman täze belentliklere tarap ýöremekdir. Türkmen bedewleriniň üsti bilen biz dünýäni haýran galdyrýarys, türkmen halysynyň her bir gölünde bolsa taryhy ýazgylarymyzy saklaýarys. Şu günki gün bolsa bu gymmatlyklar iň döwrebap zawod-fabrikler we halkara üstaşyr geçelgeler bilen bilelikde ýurdumyzyň ykdysady kuwwatyny emele getirýär.
Türkmenistan — bu ertekileriň hakykata öwrülýän ýeri. Her bir täze gurlan desga, her bir açylan täze zawod we her bir täze taslama bizi dünýäniň ösen döwletleriniň hataryna goşýar. «Her ädimde bir täsinlik» diýenimiz bolsa, halkymyzyň döredijilikli zähmetiniň we geljege bolan uly ynamynyň miwesidir.
Gylyçmyradow Daňatar
Halkara senagatçylar we telekeçiler uniwersitetiniň Dil öwreniş bölüminiň 122-nji toparynyň talyby
