ABŞ-nyň Harby-howa güýçlerine degişli “McDonnell Duglas F-15” kysymly ot atyjy uçary heläkçilige uçrady. “Sky News-yň” habaryna görä, heläkçilik deňizde Angliýanyň Ýorkşir graflygynyň kenarynda ýüze çykypdyr. Uçar okuw taýýarlygyny amala aşyrýan wagty ýere gaçypdyr. Ol ABŞ-nyň Beýik Britaniýadaky Harby-howa güýçleriniň bazasyndan uçuşy amala aşyrypdyr.

ABŞ-nyň Howa güýçleriniň resmi maglumatlarynda bellenilişine görä, “Bagtsyz hadysa wagtynda uçar ekipažynda bir sany uçarman bardy we bu nobatdaky taýýarlyk okuwlarynyň biridi”.

Deslapky maglumatlardan biz şuny aýdyp bileris. Heläkçiligiň netijesinde uçarman aradan çykypdyr. Häzirki wagtda gözleg işleri alnyp barylýar. Uçar heläkçiliginiň sebäbi hakynda maglumat berilmeýär.

Toýly Muhammetdurdyýew

Magtymguly adyndaky TDU-nyň žurnalistika hünäriniň talyby

DEGIŞLI MAKALALAR:AWTORYŇ BEÝLEKI MAKALALARY: