RU
Köp milletliligi we tutýan çägi, ilatynyň sany boýunça dünýä ýurtlarynyň öňdäki hatarlaryndaky ýurtlaryň biri Russiýa Federasiýasynda ortaça zähmet hakynyň 2023-nji ýyla çenli on müň rubla çenli artmagy mümkin. Bu esasan, jemgyýetçilik ätiýaçlandyrmasynyň býudjetiniň esasy möhüm taslamalaryndan gelip çykýar. Hasaplamalarda birnäçe görkezijiler, şeýle-de bir işgäre nominal ortaça aýlyk zähmet haky göz öňünde tutulypdyr. Bu görkezijiler 2019-njy ýylda 47867 rubly, 2020-nji ýylda 47531 rubly emele getirýär. 2021-nji ýylda 51066 rubl, 2022-nji ýylda 54131 rubl, 2023-nji ýylda 57675 rubl mukdarda bolmagyna garaşylýar. Resminamanyň taslamasy Russiýanyň Zähmet ministrligi tarapyndan tassyklanyp, Russiýanyň jemgyýetçilik we zähmet gatnaşyklaryny tertibe salmak boýunça üç taraplaýyn komissiýasyna hödürlendi. Bu günki günde döwletde ortaça zähmet hakynyň mukdary 49,306 müň rubl möçberindedigi hakynda maglumatlar
berilýär.
Toýly Muhammetdurdyýew
Magtymguly adyndaky TDU-nyň žurnalistika hünäriniň talyby
