Dünýäde koronawirus ýokuşanlaryň sany 10 milliondan geçdi

Jon Hopkins uniwersitetiniň mälim etmegine görä, bütin dünýäde koronawirus ýokanjyndan näsaglaryň sany 10 million adamdan geçdi. Näsaglanlaryň we aradan çykanlaryň sany boýunça hem ABŞ öňdeligi eýeläp gelýär. Ýurtda 2,596 milliondan artygrak adam bu ýokançdan zeperlendi we olaryň azyndan 128 müňüsiniň aradan çykanlygy hakynda aýdylýar. Ikinji orny bolsa Braziliýa (1,3 million näsag), üçünji orny Russiýa (633 müň näsag) eýeläp gelýär. Dünýä boýunça alnyp barlan statistika boýunça 500 müňden näsag ýokanjyň agyr geçendigi sebäpli, aradan çykan hasaplanýar. 5 065 000 adam keselden sagalypdyr. Maglumat hökmünde belläp geçsek, soňky iki aý içinde dünýäde wirus ýokuşanlaryň sany 1 milliondan 10 milliona çenli artdy.

Toýly Muhammetdurdyýew
Magtymguly adyndaky TDU-nyň žurnalistika hünäriniň talyby