Bawariýa” futbol klubynyň derwezebany Manuel Noýer Çempionlar ligasynyň yzly-yzyna ýeňişleri üçin täze rekord goýdy. “Zalzburg” bilen geçirilen oýunda (3: 1) hasap bilen nemes derwezeçisi Çempionlar ligasynda yzly-yzyna 15-nji ýeňşini baýram etdi. Noýer 2019/20 möwsümde 11 oýunda ýeňiş gazanan bolsa, bu möwsüm topary bilen bilelikde dört oýuny ýeňişli tamamlady.

Şeýlelikde, Noýer “Ýuwentusyň” hüjümçisi Kriştiano Ronaldunyň rekordyny täzeledi. Portugaliýaly futbolçy 2013/14 we 2014/15 möwsümde “Real” futbol toparynyň düzüminde yzly-yzyna 14 oýunda ýeňiş gazanypdy.

Ýeri gelen, Noýeriň 2019/20 möwsüminde FIFA klassifikasiýasyna laýyklykda ýylyň iň gowy derwezeçisi diýen ada dalaş edýänleriň sanawyna goşulandygyny bellemelidiris. Ronaldu bolsa häzirki wagtda ýylyň iň gowy oýunçysyna gowşurylýan “The Best” baýragy ugrunda bäsleşýär.

 

DEGIŞLI MAKALALAR:AWTORYŇ BEÝLEKI MAKALALARY: