RU
Tennis, özüniň taryhy kökleri we döwrebaplygy bilen tapawutlanýan, dünýäde iň meşhur we uly abraýa eýe bolan sport görnüşleriniň biridir. Ol diňe bir beden güýjüni däl, eýsem, ýokary akyl-taktiki ukyplylygy we ruhy taýdan çydamlylygy talap edýän sportdur.Tennisiň gelip çykyşy XII asyr Fransiýasyna, monastyrlarda “jeu de paume” (eliň aýasynyň oýny) ady bilen meşhur bolan oýna baryp ýetýär. Şonda top ilki eliň aýasy, soňra bolsa ellikler ýa-da agaç taýaklar bilen urulypdyr.Häzirki zaman Uly Tennisiň (Lawn Tennis) dörän ýeri bolsa XIX asyryň Angliýasy hasaplanylýar. 1877-nji ýylda London şäherinde ilkinji Wimbldon ýaryşy geçirilýär we bu waka tennisiň dünýä derejesindäki ösüşine uly itergi berýär. 1900-nji ýylda Garward uniwersitetiniň talyby Dwaýt Dewis tarapyndan esaslandyrylan halkara ýygyndy ýaryşy bolsa, soňra onuň hatyrasyna Dewisiň Kubogy adyny alýar we tennisiň iň abraýly toparlaýyn bäsleşikleriniň biri bolmagynda galýar.
Tennis ýekeleýin (bire-bir), jübütleýin (iki-ikiden) we garyşyk jübüt görnüşlerinde oýnalýar. Oýnuň esasy maksady — topy garşydaşyň tarapyna, tordan geçirip urmak we onuň yzyna gaýtaryp bilmezligini gazanmak. Tennisde utuk hasaby beýleki sportlardan tapawutlanýar we özboluşly terminleri ulanýar. Kortuň üsti oýnuň çaltlygyna we topuň sekmesine güýçli täsir edýär. Esasy görnüşleri.Wimbldon ýaryşynda ulanylýar. Top çalt we pes sekeni üçin, oýun hem çalt depginde geçýär.Roland-Garros (Fransiýanyň Açyk Çempionaty) ýaryşynda ulanylýar. Top haýal we beýik sekeni üçin, has uzyn utuklar oýnalýar we çydamlylyk möhüm bolýar. Awstraliýanyň we Amerikanyň Açyk Çempionatlarynda ulanylýar. Olaryň arasynda ortaça çaltlyk höküm sürýär.Tennisi dünýäde meşhur eden esasy wakalar Uly Şlem (Grand Slam) atly dört sany iň uly we abraýly ýaryşdyr.Bir tennisçi üçin sport karýerasynyň iň ýokary nokady hasaplanýar.
Türkmenistanda hem tennis sportuny ösdürmäge uly ähmiýet berilýär. Aşgabatdaky Olimpiýa Şäherçesiniň Tennis Toplumy dünýä ölçeglerine laýyk gelýän döwrebap meýdançalar bilen enjamlaşdyrylandyr. Türkmenistanyň Tennis Federasiýasy halkara sport guramalary, şol sanda Halkara Tennis Federasiýasy (ITF) bilen işjeň hyzmatdaşlyk edýär. Türkmenistanly türgenler, şol sanda milli ýygyndy toparlarymyz, Dewisiň Kubogy we Billie Jean King Kubogy ýaly abraýly halkara ýaryşlaryna yzygiderli gatnaşyp, öz tejribelerini artdyrýarlar we Watanymyza mynasyp wekilçilik edýärler. Bu sportuň ýurt içinde ösdürilmegi netijesinde ýaş tennisçileriň halkara derejeli ýaryşlarda üstünlik gazanmaga mümkinçilikleri barha artýar.
Tennis diňe bir oýun däl, eýsem, tizligi, sabyrlylygy, taktiki pikirlenmäni we adalatly göreşi özünde jemleýän hakyky sungatdyr.
Ýawabowa Maýsa
Halkara senagatçylar we telekeçiler uniwersitetiniň Dil öwreniş bölüminiň 109-njy toparynyň talyby
