Nýukasl uniwersitetiniň alymlary yzygiderli maşk etmegiň, rak keseline garşy göreşýän gandaky beloklaryň derejesini ýokarlandyryp biljekdigini görkezdiler.  Olar çişiň ösüşini haýalladýarlar.

Täze gözlegde 50 ýaşdan 80 ýaş aralygyndaky 16 adam gatnaşdy.  Olar az hereketli ýaşaýyş obrazynda ýaşaýan ýa-da aşa agramly adamlar. Bularyň hemmesi, içegede rak keseliniň döremegine sebäp bolýan howply faktorlarydyr.

Barlaga gatnaşyjylaryň gan nusgalary alyndy.  Soňra, olara ortaça depginde 30 minudyň dowamynda welosipedde aýlanmagy haýyş edildi. Ondan soň dessine, gatnaşyjylardan ikinji gan nusgasy alyndy.  Netijede analiz, maşkdan soň ganda interleukin-6 (IL-6) atly belok derejesiniň ýokarlanandygyny görkezdi.  Bu belok, rak keseline garşy göreşmäge ukyplydyr.

Söýünowa Gunça,

Döwletmämmet Azady adyndaky Türkmen milli dünýä dilleri institutynyň talyby.

DEGIŞLI MAKALALAR:AWTORYŇ BEÝLEKI MAKALALARY: