Kosmosda ýaşaýyş mümkinçiligi artýar

Alymlar kosmosdaky ýaşaýşyň pikir edilişinden hem has mümkin bolup biljekdigini ýüze çykarýan täze gözleg geçirdiler.

Köp ýyllaryň dowamynda “kyn ädimler” teoriýasy akylly durmuşyň bolmagy üçin birgiden mümkin bolmadyk wakalaryň ýüze çykmalydygyny öňe sürýär. Aslynda, durmuşyň ewolýusiýa ösüşiniň has ýönekeý bolup biljekdigi aýdylýar.

Pensilwaniýa döwlet uniwersitetiniň ýer baradaky ylymlarynyň professory we gözlegiň awtorlary Jennifer Makalady: “Bu, durmuşyň taryhy barada pikir edişimizdäki möhüm üýtgeşme” -diýip aýtdy. Makalady çylşyrymly durmuşyň ewolýusiýasynyň tötänlik bilen däl-de, eýsem ýaşaýyş we daşky gurşawyň täsiri bilen baglanyşykly bolup biljekdigini, älemdäki ornumyza düşünmek üçin gyzykly täze gözleg ýollaryny açyp biljekdigini aýtdy.

Gözlegçiler adaty paýhasyň tersine, durmuşyň daşky gurşaw şertleri amatly bolanda ýüze çykýandygyny öňe sürýärler. Bu amal, planetanyň ýaşaýşynyň ösüşinde öňünden aýdylýan proses hasaplanýar.

Pensilwaniýa uniwersitetiniň Makaladynyň astrobiologiýa barlaghanasynda işleýän Mills, “Belki, bu diňe wagt meselesidir we beýleki planetalar bu şertlere has çalt ýetip bilse-de, käbirleri has uzaga çekip biler” diýip belledi.

Täze gözlegiň aňyrsynda gözlegçiler bu ynançlary barlamak üçin birnäçe usullary teklip edýärler. Bu kyn ädimleriň planetamyz üçin üýtgeşikdigini ýa-da bu prosesleriň Ýeriň ýüzünde birnäçe gezek bolup geçendigini ýa-da ýokdugyny anyklamak üçin beýleki planetalary öwrenmek ýaly çemeleşmeler göz öňünde tutulýar.

  Söhbet SETDAROW

 Türkmen oba hojalyk institutynyň

Agronomçylyk fakultetiniň Agroekologiýa hünäriniň 2-nji ýyl talyby

TKA-nyň talyp hakynyň eýesi