RU
Gyş günleriniň golaýlamagy bilen ýüze çykyp biläýjek dürli ýokanç keselleriň öňüni almakda tebigy antibiotik hasaplanýan sarymsagyň ynsan saglygyna uly peýdasy bardyr:
• Sarymsagyň düzüminde köp mukdarda mikroblary we bakteriýalary gyryjy maddalar — fitonsidler bar. Mundan başga-da ondaky C, D, B, P toparlarynyň witaminleri bedeniň kesele garşy durnuklylygyny güýçlendirýär, immuniteti ýokarlandyrýar.
• Sarymsak işdäni açýar, iýmit siňdiriş fermentleriniň bölünip çykmagyny güýçlendirýär.
• Ajyja burç bilen sarymsak goşulan unaş dümewiň bire-bir emi hasaplanýar.
• Sarymsagyň düzümindäki kalsiý süňkleriň hem-de dişleriň sagdyn bolmagyny üpjün edýär.
• Gan basyşy bilen bagly ýüze çykýan kesellerde we aterosklerozda hem sarymsak giňden ulanylýar.
• Sarymsagyň dişjagazyny birnäçe minutlap agyzda çeýnemeklik agyz boşlugyndaky bakteriýalardan saplanmaga ýardam edýär.
• Sarymsak mynjyradylanda döreýän uçujy fitonsidleri dem almak arkaly dümew we basyk bejerilýär.
• Çagalarda döreýän soguljanlary ýok etmekde hem sarymsagyň ergininden peýdalanmak maslahat berilýär.
Arazbaýew Jumageldi,
Türkmen oba hojalyk institutynyň Weterinar lukmançylygy fakultetiniň 1-nji ýyl talyby.
